Koster

Koster
Dorp
Koster  Koster se ligging in Noordwes
Koördinate: 25°51′55″S 26°53′44″O
Land	Suid-Afrika
Provinsie	Noordwes
Distrik	Bojanala Platinum
Munisipaliteit	Kgetlengrivier
Stigting	1860
Oppervlak
• Totaal	18,22 km2 (7,03 vk. myl)
Bevolking  (2011)
• Totaal	2 342
• Digtheid	129/km2 (330/vk. myl)
Rasverdeling (2011)
• Wit mense	62.4%
• Indiërs/Asiërs	9.6%
• Bruin mense	1.7%
• Swart mense	25.6%
• Ander	0.8%
Taal (2011)
• Afrikaans	72.9%
• Engels	13.9%
• Tswana	9.5%
• Sotho	0.8%
• Ander	2.9%
Poskode (strate)	0348
Poskode (posbusse)	0348
Skakelkode	014

Koster is 'n dorp in die Noordwesprovinsie van Suid-Afrika.

Geskiedenis

Bastiaan Hendricus Koster het hom in 1860 op die plaas "Kleinfontein" gevestig nadat hy vanaf Nederland geëmigreer het. Toe die spoorlyn vanaf Johannesburg na Mahikeng geopen het in 1910, is 'n halte op Kleinfontein opgerig. Die dorp Koster het later ontstaan rondom die halte. Koster het 'n dorp geword in 1913 en 'n munisipaliteit in 1930.

Distrik

Die distrik is 2 700 km² groot. Die Kosteromgewing is bekend vir mielieboerdery, asook leiklip- en diamantontginning. Op 11 November 1970 was die laaste diamantstormloop in Suid-Afrika hier gehou nadat diamante ontdek is. Die vonds was egter kortstondig.

Geografie

Die distrik lê op die waterskeiding tussen die Oranjerivier en die Limpoporivier. Die Elands- en Kosterriviere vloei noord na die Limpopo en die Mooirivier suid verby Potchefstroom na die Vaalrivier.

Sien ook

• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4