Karowe AK6
Die Karowe AK6 is 'n diamant wat in die Karowemyn in Botswana ontdek is. Die uitvoerende hoof van 'n Kanadese maatskappy Lucara Diamond Corporation, William Lamb, het die ontdekking van die diamant op 18 November 2015 aangekondig.
Die diamant weeg 1111 karaat en is 65 mm x 56 mm x 40 mm groot. Groot, ongeslypte diamante se waarde is ongeveer $60,000 per karaat dus is die waarde van die Karowe AK6 ongeveer $ 66,66 miljoen.
Ten tyde van sy ontdekking was die diamant die tweede grootste[1] in die wêreld. Op 10 Februarie 2016 is bekend gemaak dat die diamant bekend sal staan as Lesedi la Rona - Ons lig. Daar is ook bekend gemaak dat 'n stukkie van die diamant afgebreek het en dit nou 1109 karaat weeg.[2]
Bron
[wysig | wysig bron]- So word die diamantrekords herskryf. Die Beeld 27 November 2015.
Verwysings
[wysig | wysig bron]- ↑ MacDonald, Alex (19 November 2015). "World's Second-Largest Diamond Discovered in Botswana" (in Engels). The Wall Street Journal. Geargiveer vanaf die oorspronklike op 2 April 2016. Besoek op 19 November 2015.
- ↑ Reuse-diamant se naam beteken Ons lig. Beeld, 10 Februarie 2016.