500 miljoen Roebel (ongeveer VS$16 miljoen) soos in Mei 2011[5]
Ontwikkel van
Kamov V-80
Die Kamof Ka-50 (Russies: Чёрная Акула, Afrikaans: Swartfinhaai) is 'n gepantserde Russiese enkelsitplekaanvalshelikopter. Die helikopter is sedert die laat 1980's ontwikkel en is in 1995 deur die Russiese weermag in diens geneem. By NAVO staan die helikopter bekend onder die naam Hokum A maar die amptelike naam is 'Чёрная Акула' (Die Swartfinhaai).
Die Ka-50 is weens die ineenstorting van die Sowjetunie nooit op groot skaal geproduseer nie en daar was tot en met 2006 slegs 16 produksiemodelle gebou.
'n Groot hoeveelheid wapentuig kan op dié helikopter gemonteer word. Dit beskik ook oor 'n spesiale kompartement waarin 'n gewonde soldaat aan boord geneem kan word of ekstra wapentuig gemonteer kan word. Die hoofbewapening van die helikopter is 12 lasergeleide VIKhR anti-tenkmissiele met 'n maksimum reiksafstand van 8 km.
Die laser is klaarblyklik geheel en al bestand teen fopteikens, en die vuurbeheerstelsel kan vier Swart Finhaaie met gemak koördineer om sodoende taktiese inligting te deel.
Ten spyte daarvan dat die helikopter geen stertrotor het nie en dat die helmgemonteerde kanonbeheer staties is, kan die hele helikopter vinniger as die Ah-64D Apache se statiese kanon gedraai word.
