Kaap Enniberg
.jpg)
| Inheemse etiket | Kap Enniberg |
|---|---|
| Land | Faroëreilande |
| Geleë in administratiewe eenheid | Viðareiðis munisipaliteit |
| Geleë in geografiese gebied | Viðoy |
| Geografiese ligging | 62°23′0″N 6°34′0″W |
Kaap Enniberg is 'n krans op die eiland Viðoy. Dit is 754 m hoog en dus een van die hoogste kranse in die wêreld.[1] Enniberg is die noordelikste punt van die Faroëreilande.
Van die land se kant af mag net ervare bergklimmers met 'n opgeleide plaaslike gids probeer om die krans uit te klim. As 'n gewone stapper kan 'n mens net 'n sekere hoogte aan die roete maklik bereik, maar soos in die res van die Faroëreilande kan mis skielik inrol en 'n lang tyd daar bly.
Aan die suidelike voet van die nabygeleë berg, Villingadalsfjall van 844 m, lê die dorp Viðareiði.
In die somer is daar met mooiweer bootreise na Kaap Enniberg. Mense kom nie net om die krans se indrukwekkende grootte te sien nie, maar ook vir die bekende voëlkolonie. Die kolonie is die belangrikste een in die argipel.
Verwysings
[wysig | wysig bron]- ↑ "To the Raw Cliffs" (in Engels). visitfaroeislands.com. Geargiveer vanaf die oorspronklike op 17 November 2015. Besoek op 13 November 2015.