Justin Godart
Justin Godart (26 November 1871 - 12 Desember 1956) was 'n Franse politikus wat van 3 Junie 1932 tot 18 Desember 1932 as Minister van Gesondheid gedien het.[1]
Biografie
[wysig | wysig bron]Justin Godart is op 26 November 1871 in 'n werkersklas-gesin in Lyon gebore. Godart het sy opvoeding aan die Collège-lycée Ampère ontvang en het 'n doktorsgraad in die regte verwerf. In 1904 is Godart tot die sesde onderburgemeester van Lyon as lid van die Radikale Party verkies. In 1906 het Godart 'n afgevaardigde van die Franse nasionale vergadering wat Lyon verteenwoordig, geword.[1] Van 1915 tot 1918 het Godart as die Staatssekretaris van oorlog, wat in beheer van die mediese diens van die weermag was, gedien. Toe Édouard Herriot in 1924 premier word van Frankryk is Godart aangestel as die Minister van Arbeid, Higiëne, Welsyn en Maatskaplike Sekerheid. Godart se ampstermyn in die posisie is beëindig met Herriot se afsetting die volgende jaar. In 1926 het Godart 'n senator vir die departement Rhone geword. In 1932 het Godart die Minister van Openbare Gesondheid geword, weereens onder Herriot. Godart het egter nie lank in hierdie posisie gebly nie, aangesien Herriot daardie Desember weer die mag verloor het.[2]
Op 10 Julie 1940 het Godart aangesluit by die Vichy 80, 'n versameling Franse parlementslede wat onsuksesvol was in hul opposisie teen 'n grondwetlike wysiging wat die Derde Republiek ontbind het en aan Philippe Pétain die mag gegee het om 'n nuwe outoritêre staat te vestig, en wat nou bekendstaan as Vichy-Frankryk.[2] Gedurende die Tweede Wêreldoorlog was Godart betrokke by weerstandsaktiwiteite en het hy 'n anti-Vichy-koerant geredigeer. Na die bevryding van Lyon deur die Geallieerde magte in September 1944 het hy die tussentydse burgemeester van Lyon geword. In 1945 het Godart uit die Radikale Party bedank.
Na sy politieke loopbaan het Godart 'n aktiewe rol gespeel in die veldtog vir verbeterde arbeidsomstandighede, soos die agt uur lange dag. Godart het tot 1950 vir Frankryk in die Internasionale Arbeidsorganisasie verteenwoordig. Hy is op 12 Desember 1956 in Parys oorlede. In 2004 het Israel die "Regverdiges onder die Nasies" eretitel aan Godart verleen vir sy diens aan Jode tydens die Holocaust.[2][3]
Bibliografie
[wysig | wysig bron]- La plaisante sagesse lyonnaise / Sêgoed en morele besinnings deur Catherin Bugnard
- Travailleurs et métiers lyonnais, 1909
- Laurent Mourguet et Guignol, 1912
- La révolution de 1830 à Lyon, 1930
- Le jansénisme à Lyon, 1934, biblioteek Félix Alcan
- Les Voraces à Lyon en 1848, 1948
Verwysings
[wysig | wysig bron]- ↑ 1,0 1,1 Justin Godart, Assemblee-nationale.fr, besoek Julie 2010
- ↑ 2,0 2,1 2,2 Benoit, B. (2007). "Justin Godart (1871-1956)". City of Lyon. Besoek op 21 Julie 2010.[dooie skakel]
- ↑ Justin Godart Geargiveer op Wayback Machine, Bilange, F. Retrieved 2010-07-22.
Eksterne skakels
[wysig | wysig bron]- Werke deur of oor Justin Godart op die Internet Archive
- Justin Godart - sy optrede om Jode se lewens tydens die Holocaust te red, by die Yad Vashem- webwerf
Normdata  |
|
|---|