Japan Airlines

Japan Airlines

IATA ICAO Roepteken JL JAL JAPAN AIR
Gestig	1934
Bedryfsbasisse	Tokio-Haneda Int. Lughawe
Alliansie	Oneworld
Vlootgrootte	114
Bestemmings	92
Hoofkantoor	Shinagawa, Tokio
Sleutelpersone	Masaru Onishi (Voorsitter)
Webwerf	jal.com

Japan Airlines (afgekort 'JAL') is 'n lugredery met sy hoofkwartier in Shinagawa, Tokio, Japan. Dit is die vlagdraer van Japan en sy vernaamste spilpunte is Narita Internasionale Lughawe en Tokio-Haneda Internasionale Lughawe, sowel as Osaka se Kansai Internasionale Lughawe en Osaka Internasionale Lughawe (Itami-lughawe). Die lugredery asook drie van sy filiale (J-Air, JAL Express en Japan Ocean Air) is lede van die "Oneworld" lugrederyalliansie.

JAL-maatskappye in die groep sluit in Japan Airlines vir internasionale en plaaslike dienste; JAL Express vir internasionale en plaaslike laekoste dienste; J-Air, Japan Air Commuter, Japan Ocean Air en Air Ryukyu Commuter vir binnelandse verbindingsdienste, asook JAL Cargo vir vrag- en posdienste. Die JAL-groep se bedrywighede sluit in geskeduleerde en nie-geskeduleerde internasionale en plaaslike passasiers- en vragdienste na 220 bestemmings in 35 lande wêreldwyd, insluitende kodedeel. Die groep het tans (2022) 'n vloot van 156 vliegtuie, meestal Boeingmodelle. Gedurende die finansiële jaar geëindig 31 Maart 2009, het die lugrederygroep 52 miljoen passasiers en oor die 1,1 miljoen ton vrag en pos vervoer.

JAL is in 1951 gestig en word die nasionale lugredery van Japan in 1953. Na meer as drie dekades van diens en uitbreidings is die lugredery ten volle geprivatiseer in 1987. In 2002 het die lugredery saamgesmelt met Japan Air Systems, Japan se derde grootste lugredery en die sesde grootste lugredery ter wêreld vir passasiers vervoer. Japan Airlines is tans 'n amptelike borg van Japan Football Association, die Japannese nasionale sokkerspan, Shimizu S-Pulse en Consadole Sapporo. Die tweede grootste redery in Japan, All Nippon Airways, is Japan Airlines se belangrikste teenstander met strawwe mededinging tussen die twee.

'n Boeing 747-400 van JAL in die kleurskema van 1989-2002

Nog 'n Boeing 747-400 van JAL in die kleurskema van 2002-2011

'n Boeing 777-300 van JAL in Oneworld-kleure

Japan Cargo

'n Boeing 747-400F van JAL Cargo in 2005

JAL Cargo het sy lugvragbedrywighede in Oktober 2010 beëindig na meer as 30 jaar se diens. Dit het beide skroef- en straalvliegtuie gebruik deur die jare, die mees onlangse was die Boeing 747-400's (insluitend vliegtuie omgeskakel van passasier na vraguitleg) en Boeing 767-300Fs. Beperkte vragkapasiteit is steeds onder beheer van JAL op hul passasiersvliegtuie se onderste dekke.