Jan van Beers
Jan van Beers | |
|---|---|
 Jan van Beers | |
| Gebore | 22 Februarie 1821 Antwerpen, België |
| Sterf | 14 November 1888 (op 67) |
| Nasionaliteit |  België |
| Beroep | digter |
Jan van Beers (22 Februarie 1821 – 14 November 1888) was 'n Vlaamse digter wat in Antwerpen gebore is. Daar word gewoonlik na hom verwys as "van Beers die ouere" om hom te onderskei van sy seun, Jan van Beers (1852–1927) die skilder.
Agtergrond
[wysig | wysig bron]Van Beers was in wese 'n Nederlander, hoewel polities 'n Belg, en het sy gedagtes in dieselfde taal as enige Noord-Nederlandse skrywer uitgespreek. In werklikheid is die gedigte van Jan van Beers in Nederland miskien meer gewild as in België, en van baie daarvan bestaan in meer uitgawes in Nederland as in sy politieke vaderland. [1]
Vroeë lewe
[wysig | wysig bron]Van Beers het die volwasse lewe begin as onderwyser in die Nederlandse taal- en letterkunde, eers in Mechelen, en daarna in Lier. In 1860 is hy aangestel as professor in beide taal en letterkunde aan die Athenaeum (hoërskool) in Antwerpen, waar hy ook 'n onder-bibliotekaris in die gemeenskaplike biblioteek was. Van Beers, saam met Hendrik Conscience, Willems en andere, was deel van Vlaamse beweging. Hy het 'n Nederlandse grammatika (1852) geskryf, waarvan die uitgebreide uitgawes steeds in die vakgebied gebruik word, en 'n keurbundel uit die werke van Nederlandse skrywers. Beide boeke is so hoog geag dat die Belgiese regering dit voorgeskryf het vir gebruik in die openbare skole. [1]
Poëtiese werke
[wysig | wysig bron]Van Beers se historiese gedigte, waarvan Jakob Van Maerlant (Amsterdam, 1860) die belangrikste is, het die Vlaamse herlewing in België net so veel aangehelp as sy skoolboeke. Hy is egter veral bekend as die skrywer van ballades en liedjies. Jongelingsdroomen verskyn in 1853 vir die eerste keer in Antwerpen en Amsterdam. Hierdie gedigte is gevolg deur Levensbeelden (1858) en deur Gevoel en Leven (Amsterdam, 1869 ). Sy Rijzende Blaren het die eerste keer in 1883 in Gent en Rotterdam verskyn. [1]
In die volgende jaar verskyn 'n edition de luxe van sy poësie, wat versier is met met pen-en-ink sketse deur Jan van Beers die jongere. 'n Gewilde uitgawe van sy versamelde gedigte word in 1873 en 1884 in Gent en Rotterdam gepubliseer. Veral bekend is De Blinde, De Zieke Jongeling en Bij 't Kerkportaal. Van Beers se poësie vertoon ooreenkomste met dié van Longfellow. [1]
Van Beers word beskryf as tipies Vlaams in sy opregte en morele lewensbeskouing.
Werk
[wysig | wysig bron]- Jongelingsdromen (1853)
- De blinde (1854)
- Blik door een venster (1855)
- Lijkkrans voor Tollens (1856)
- Levensbeelden (1858)
- Jacob Van Maerlant (1860)
- Gevoel en leven (1869)
- Peter Benoit. De oorlog (1873)
- Het hoofdgebrek van ons middelbaar onderwijs (1879)
- Rijzende blaren (1884)
- Gedichten (1921)
Sien ook
[wysig | wysig bron]Verwysings
[wysig | wysig bron]- ↑ 1,0 1,1 1,2 1,3 Chisholm 1911.
Normdata  |
|
|---|