Houtbaai

Houtbaai
'n Uitsig oor Houtbaai
Houtbaai  Houtbaai se ligging in Wes-Kaap
Koördinate: 34°02′S 18°21′O
Land	Suid-Afrika
Provinsie	Wes-Kaap
Munisipaliteit	Stad Kaapstad
Stigting	1681
Regering
• Raadslid	Roberto Quintas (Demokratiese Alliansie)
Oppervlak
• Totaal	28,38 km2 (10,96 vk. myl)
Bevolking  (2011)
• Totaal	17 900
• Digtheid	631/km2 (1 630/vk. myl)
Rasverdeling (2011)
• Wit mense	57,4%
• Indiërs/Asiërs	0,8%
• Bruin mense	32,3%
• Swart mense	6,8%
• Ander	2,8%
Taal (2011)
• Engels	59,7%
• Afrikaans	32,9%
• Xhosa	1,3%
• Ander	6,1%
Poskode (strate)	7806
Poskode (posbusse)	7806

Houtbaai is 'n voorstad van Kaapstad geleë in 'n baai 5 km suid van die sentrale sakekern van Kaapstad.

Geskiedenis

Houtbaai in die skemerlig, soos gesien vanaf Chapmanspiek

Panorama van Houtbaai met die Constantiaberg op die agtergrond

Die eerste skriftelike verwysing na Houtbaai is in 1607 toe John Chapman van die Engelse skip Consent daarna verwys het as Chapman's Chaunce (Chaunce is ou Engels vir chance).

Toe die Verenigde Oos-Indiese Kompanjie in 1652 in Tafelbaai geland het, het hulle hout nodig gehad om strukture op te rig (onder andere die eerste fort). Daar was egter nie genoegsame goeie hout in die baai nie en die VOC moes verder weg soek. So het hulle die bos aan die suidekant van Tafelberg ontdek en dit het hulle nie lank geneem om 'n buitepos daar te vestig nie.

Jan van Riebeeck het in sy geskrifte daarna verwys as t' Hout Baaitjen en dit die mooiste bos in die wêreld genoem. Vandag is daar egter nie veel van die bosse oor nie.

Geografie

Houtbaai word aan drie kante omring deur berge en dit is net die suide waar dit aan die see grens wat plat is. In die noorde grens dit aan Oranjekloof wat deel uitmaak van die Tafelberg Nasionale Park. In die noordweste lê die Twaalf Apostels, en in die weste Klein Leeukop, Karbonkelberg, Kaptein's piek en die Sentinel. In die ooste grens dit aan Vlaakenberg, Skoorsteenberg en Constantiaberg.

Daar is drie paaie wat uit Houtbaai lei. Die eerste gaan noordwes langs die Twaalf Apostels verby na Llandudno en Kampsbaai, die tweede gaan in die noordooste tussen Oranjekloof en Vlaakenberg oor Constantianek na Constantia.

Die laaste pad (genaamd Chapmanspiek-rylaan) loop suid teenaan die kus na Noordhoek. Dit is deur gevangenis gebou en amptelik op 6 Mei 1922 geopen deur die goewerneur-generaal Prins Arthur van Connaught. Dit het ongeveer sewe jaar geneem om te bou teen 'n koste van R40 000. Die pad is gereeld gesluit as gevolg van rotsstortings en is in 2004 herbou en omskep in 'n tolpad.

Besienswaardighede

Die bronsluiperd wat op die rotse staan in Florabaai is aan Houtbaai geskenk deur die plaaslike beeldhouer Ivan Mitford Barbeton. Dit is ter nagedagtenis aan al die luiperds wat in die woude gebly het. Die laaste Kaapse luiperd is in 1930 geskiet. Die ou hawe by Florabaai is die enigste ooblyfselfs van die tyd toe daar mangaan gemyn is tussen 1909 en 1911 teen die hange van Constantiaberg.

Sien ook

• Lys van dorpe in Suid-Afrika
• Lys van Kaapstad se voorstede
• Duikereiland, 'n eiland naby Houtbaai.

Eksterne skakels

• (en) Toerisme-inligting oor Houtbaai op Wikivoyage
• Hout bay online community^{[dooie skakel]}
• Inligting oor Houtbaai
• Houtbaai en Llandudno erfenis trust^{[dooie skakel]}