Goudrifstad

Goudrifstad se mynskag.

Goudrifstad (Engels: Gold Reef City) is 'n pretpark in Johannesburg, Suid-Afrika wat in die 1980’s op 'n ou goudmyn gebou is. Die tema van die park is deur die goudstormloop aan die Witwatersrand geïnspireer. Parkpersoneel dra uniforms wat ooreenkomste toon met die van die 1880's en die geboue in die park is ontwerp om dieselfde tydperk na te boots.

Vir 'n minimale bedrag kan 'n ondergrondse toer deur 'n werkende goudmyn onderneem word, waarna die gooi van 'n werklike goudstaaf deur die mynpersoneel aanskou kan word. Daar is ook 'n museum op die terrein oor die goudmynbedryf.

Daar is ook vele pretritte by Goudrifstad, onder andere waterritte en mallemeules. Die regstreekse uitsendings van Idols word in die "hippodrome", 'n groot ouditorium in die park, verfilm.

Goudrifstad is in die suide van 'n sakegebied langs die M1-snelweg geleë. Dit is ook die tuiste van die Apartheidsmuseum.

Ritte

Mallemeules

Naam van rit	Beskrywing	Oprigter	Jaar
Anaconda		Giovanola	1999
Golden Loop		Anton Schwarzkopf	1989
Jozi Express		Zierer	2004
Run A Way Mine Train		Mack rides	?
Tower of Terror			2001

Waterritte

• Raging River Rapids
• Lazy Boats
• River Ride

Ander besienswaardighede

• 4D Teater
• Co-Co Pan
• Dodgems
• Giant Wheel
• Miner's Revenge
• Old Mill
• UFO Ride

Fotogalery

• 
  Oorspronklike mynhuise uit die vroeë 20ste eeu word in die park vertoon.
• 
  Die sitkamer in die mynbestuurder se huis.
• 
  Die eetkamer in die mynbestuurder se huis.
• 
  Die kombuis in die mynbestuurder se huis.
• 
  Klas 19d stoomlokomotief.
• 
  Die inligtingsboord vir die Klas 19d lokomotief in die park.

Eksterne skakels

• Wikimedia Commons het meer media in die kategorie Goudrifstad.
• Amptelike Webwerf