Goris

Goris Գորիս
Stad
Goris
Koördinate: 39°30′28″N 46°20′19″O
Land	Armenië
Provinsie (marz)	Syunik
Stigting	1870
Stadstatus	1885
Regering
• Burgemeester	Vachagan Adunts
Oppervlak
• Totaal	8 km2 (3 vk. myl)
Hoogte	1 250−1 520 m (−3 740 ft)
Bevolking
• Totaal	23 022
• Digtheid	2 900/km2 (8 000/vk. myl)
Tydsone	UTC 4:00
Skakelkodes	374 (284)
Webwerf	goriscity.am

Goris (Armeens: Գորիս; vroeër bekend as Hin Kores en Gorayk‘) is 'n nedersetting in die Suid-Armeense provinsie Syunik. Dit is in die Goris- of Vararak-riviervallei geleë, sowat 254 km van die Armeense hoofstad Jerewan en 67 km van die provinsiale hoofstad Kapan af, en word omring deur hoë sandsteenberge.

Goris word amptelik as stedelike nedersetting gekategoriseer en is tans die tweede grootste stad in die provinsie Syunik. Volgens die Nasionale Statistieke Diens van die Republiek van Armenië (ARMSTAT) het Goris in 2010 'n bevolking van 23 022 gehad, 'n effense afname sedert die sensus van 2001 toe die inwonertal as 23 261 bepaal is.

Goris word as die aantreklikste stad in die suide van Armenië beskou, nie alleen vanweë se ligging nie, maar veral weens sy boukuns en uitleg. Baie van sy tweeverdieping-geboue is van grys sandsteen gebou, waarby hul ontwerp blykbaar deur 'n Duitse argitek beïnvloed is wat hom hier gevestig het. Opvallend is die roostervormige straatuitleg, met 'n verskeidenheid vrugtebome wat langs sommige strate geplant is - rooi pruim-, moerbei-, pruim-, kersie- en appelbome.