Gaan na inhoud

Ever Given

in Wikipedia, die vrye ensiklopedie
Ever Given in Maart 2020 by die ECT Delta-terminale in die Rotterdam-Hawe.

Ever Given is 'n houerskip, een van die grootste houerskepe ter wêreld. Dit word besit deur Shoei Kisen Kaisha ('n skeepsbesit en verhuringfiliaal van die groot Japannese skeepsboumaatskappy Imabari Shipbuilding), wat gehuur en bestuur word deur die Taiwannese skeepshouer-vervoermaatskappy Evergreen Marine. Die Ever Given is geregistreer in Panama en tegnies bestuur deur die Duitse skeepsbestuursonderneming Bernhard Schulte Shipmanagement (BSM).[1] In Maart 2021, terwyl dit van China na Rotterdam reis, word die skip in die Suezkanaal gestrand, wat die kanaal onbegaanbaar maak. Die skip het vir ses dae vesgesit voordat reddingspersoneel dit op 29 Maart 2021 bevry het.[2]

Beskrywing

[wysig | wysig bron]

Ever Given is een van dertien houerkepe wat gebou is in die Imabari 20000 ontwerp, wat ontwikkel is deur Imabari Shipbuilding.[3] Met 'n totale lengte van 399,94 m,[4] is die skip een van die langste skepe ter wêreld wat in diens is. Sy romp het 'n balk van 58,8 m en 'n diepte van 32,9 m, en as dit volgelaai is, het dit 'n diepgang van 14,5 m.[4] Ever Given het 'n bruto tonnemaat van 220940; netto tonnemaat van 99155; en laaivermoë van 199629 ton.[4]

Soos meeste groot houerskepe, word Ever Given aangedryf deur 'n enkele lae-spoed tweeslag kruiskop dieselenjin gekoppel aan 'n vaste skroef. Die hoofenjin, 'n 11-silinder lisensie-vervaardigde Mitsui–MAN B&W 11G95ME-C9, word gegradeer op 59300 kW teen 79 rpm en gee die vaartuig 'n dienssnelheid van 22.8 kn.[3] Daarbenewens het die vaartuig vier 8-silinder Yanmar 8EY33LW hulpdieselopwekkers.[3] Vir maneuvrering in hawens, het Ever Given twee 2500 kW boogskroewe.[3]

Bedryfsgeskiedenis

[wysig | wysig bron]

2019 Hamburg botsing

[wysig | wysig bron]

Op 9 Februarie 2019, bots die skip met 'n 25-meter-lange HADAG veerboot by Blankenese, naby Hamburghawe, wat dit erg beskadig.[5] Twee minute na die botsing, is daar 'n verkeersverbod op die Elbe-rivier uitgereik weens sterk wind.[6]

2021 Suezkanaal bestranding

[wysig | wysig bron]
Satellietbeeld van Ever Given wat die Suezkanaal blokkeer.

Om 07:40 (UTC 02:00) op 23 Maart 2021, het die skip deur die Suezkanaal gevaar op pad na Rotterdamhawe vanaf Tanjung Pelepashawe[7][8] toe dit gestrand het, sywaarts gedraai en die kanaal versper het.[1] Evergreen Marine het gesê dat die skip gestrand was weens onverwagte sterk winde.[9] Die skip was vyfde in 'n noordwaartse konvooi, met vyftien vaartuie daaragter toe dit gestrand het. Die verkeer in albei rigtings was en bly geblokkeer, wat lei tot 'n verkeersknoop van meer as 'n honderd vaartuie.[9] Bernhard Schulte Shipmanagement (BSM), die tegniese bestuursmaatskappy wat die houerskip bestuur, ontken vroeëre berigte dat die vaartuig gedeeltelik vlotgemaak is.[7] Daarbenewens is handelsdeskundiges bekommerd oor 'n aanbodkrisis as gevolg van die onbepaalde vertraging van nie net die vasgekeerde skepe nie, maar ook enige vaartuig wat beplan het om die Suez oor te steek.[10]

Agt sleepbote is besig om die vaartuig weer vlot te maak, in samewerking met 'n bagger wat sand verwyder aan die kant van die kanaal waar die vaartuig ingewig is.[7] Na 'n oornagpouse is die reddingswerk die oggend van 25 Maart hervat.[11]

Volgens 'n naamlose Egiptiese amptenaar sal dit minstens twee dae duur om die skip vlot te maak. Lt. Genl. Ossama Rabei, hoof van die Suez Canal Authority het aangekondig, "The Suez Canal will not spare any efforts to ensure the restoration of navigation and to serve the movement of global trade." BSM en SKK het gesê dat al 25 bemanningslede veilig is. Alle bemanningslede is Indiërs en bly aan boord.[12][13] En daar was "geen berigte oor beserings of besoedeling" nie. Egiptiese weerkundiges het gerapporteer dat sterk wind en 'n sandstorm die gebied op die dag van die stranding beïnvloed het, met wind wat tot 50 km/h gewaai het.[14]

Sien ook

[wysig | wysig bron]

Verwysings

[wysig | wysig bron]
  1. ↑ 1,0 1,1 Farrer, Martin; Safi, Michael (24 Maart 2021). "Suez canal blocked by huge container ship after 'gust of wind'". The Guardian. Geargiveer vanaf die oorspronklike op 24 Maart 2021. Besoek op 24 Maart 2021.
  2. ↑ Nagourney, Eric (29 Maart 2021). "With the Suez Canal Unblocked, the World's Commerce Resumes Its Course". The New York Times (in Engels (VSA)). ISSN 0362-4331. Geargiveer vanaf die oorspronklike op 30 Maart 2021. Besoek op 30 Maart 2021.
  3. ↑ 3,0 3,1 3,2 3,3 Sjabloon:Csr
  4. ↑ 4,0 4,1 4,2 Sjabloon:Csr
  5. ↑ "Gentle touch of a giant – mega container ship brushed ferry". FleetMon.com (in Engels). Geargiveer vanaf die oorspronklike op 24 Maart 2021. Besoek op 24 Maart 2021.
  6. ↑ Gessner, Nina (10 Februarie 2019). "Frachter rammt Fähre in Hamburg-Blankenese: Hat der starke Wind den Elbe-Crash verursacht?". MOPO.de (in Duits). Geargiveer vanaf die oorspronklike op 24 Maart 2021. Besoek op 24 Maart 2021.
  7. ↑ 7,0 7,1 7,2 "Egypt's Suez Canal blocked by huge container ship". BBC News (in Engels (VK)). 24 Maart 2021. Geargiveer vanaf die oorspronklike op 23 Maart 2021. Besoek op 24 Maart 2021.
  8. ↑ 9,0 9,1 Wang, Cindy; Park, Kyunghee; Lee, Annie (23 Maart 2021). "Suez Canal Snarled With Giant Ship Stuck in Top Trade Artery". Bloomberg News. Geargiveer vanaf die oorspronklike op 24 Maart 2021. Besoek op 24 Maart 2021.
  9. ↑ "'Anything you see in the stores' could be affected by Canal logjam, shipping experts say". NBC News (in Engels). Besoek op 25 Maart 2021.
  10. ↑ "Ship rescue efforts suspended until Thursday". The Independent (in Engels). 25 Maart 2021. Besoek op 25 Maart 2021.
  11. ↑ "MV EVER GIVEN aground in the Suez Canal". 25 Maart 2021.
  12. ↑ "M.V. EVER GIVEN スエズ運河座礁事故に関して" (in Japannees). 25 Maart 2012. Geargiveer vanaf die oorspronklike op 26 Maart 2021. Besoek op 26 Maart 2021.
  13. ↑ "Massive cargo ship becomes wedged, blocks Egypt's Suez Canal". Associated Press News. 24 Maart 2021. Geargiveer vanaf die oorspronklike op 24 Maart 2021. Besoek op 24 Maart 2021.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Ever_Given&oldid=2473347"