Daniel Dennett

	Daniel Dennett
Geboortenaam	Daniel Clement Dennett III
Gebore	28 Maart 1942; Boston, Massachusetts
Oorlede	19 April 2024
Nasionaliteit	Verenigde State
Vakgebied	Filosofie
Alma mater	Harvard-universiteit (A.B.); Hertford-kollege, Oxford (D.Phil.)
Beïnvloed deur	Charles Darwin, Gilbert Ryle, Willard Van Orman Quine, Richard Dawkins, William James, Friedrich Nietzsche, David Hume, Wilfrid Sellars, Noam Chomsky
Invloed op	Richard Dawkins, Douglas Hofstadter, Geoffrey Miller
Handtekening

Daniel Clement Dennett ( 28 Maart 1942 - 19 Apil 2024) was 'n Amerikaanse filosoof. Dennett se navorsing fokus op die geestesfilosofie en die wetenskapfilosofie, veral aangesien dié velde verband hou met die evolusionêre biologie en kognitiewe wetenskap. Dennett is een van die voorste kontemporêre deterministe wat hulself beywer vir 'n meganiese verduideliking van die bewussyn.

Agtergrond

Dennett se vader was 'n diplomaat en 'n kenner van die geskiedenis van Islam. Sy moeder was 'n redakteur en onderwyseres. Nadat hy 'n B.A. in filosofie aan Harvard-universiteit in 1963 verwerf het, het hy na Oxford-universiteit vertrek waar hy saam met die filosoof Gilbert Ryle studeer het. As nagraadse student het Dennett 'n belangstelling ontwikkel in die probleem van bewussyn en sy eerste tesis oor die onderwerp geskryf wat later verwerk is in sy eerste boek Content and Consciousness (1969). Hy het in 1965 'n doktorsgraad in filosofie verwerf, waarna hy teruggekeer het na die VSA. Hy het aan die Universiteit van Kalifornië, Irvine doseer. Sedert 1971 is hy aan die Tufts Universiteit verbonde. Hy is tans werksaam as die Austin B. Fletcher Professor van Filosofie asook as Direkteur van die Sentrum vir Kognitiewe Studies aan dié universiteit.

Sienings

Dennett is die skrywer van verskeie boeke oor die evolusie en die bewussyn. Hy is die voorste proponent van die teorie wat by sommiges bekendstaan as die Neurologiese Darwinisme (sien ook gulsige redaksionisme).

Dennett is ook bekend vir sy argument teen sogenaamde "kwalia". Hy beweer dat die konsep so deurmekaar is dat dit nie gebruik kan word nie of verstaan kan word in enige nie-weersprekende manier nie en dus nie 'n geldige verwerping van fisikalisme bied nie. Fisikalisme is die metafisiese standpunt dat alles fisies of deeltjie-gebaseer (Engels: corporeal) is, en dus bestaan daar niks wat nie suiwer van fisiese oorsprong is nie. Hierdie argument word breedvoerig aangebied in sy boek Consciousness Explained.

Geselekteerde werke

Brainstorms : Philosophical Essays on Mind and Psychology (MIT Press 1981) (ISBN 0262540371)
Elbow Room: The Varieties of Free Will Worth Wanting (MIT Press 1984) - oor vrye wil en determinisme (ISBN 0262040778)
The Mind's I (Bantam, Reissue edition 1985, with Douglas Hofstadter) (ISBN 0553345842)
Content and Consciousness (Routledge & Kegan Paul Books Ltd; 2nd ed edition January 1986) (ISBN 0710208464)
The Intentional Stance (MIT Press; Reprint edition 1989) (ISBN 0262540533)
Consciousness Explained (Back Bay Books 1992) (ISBN 0316180661)
Darwin's Dangerous Idea: Evolution and the Meanings of Life (Simon & Schuster; Reprint edition 1996) (ISBN 068482471X)
Kinds of Minds: Towards an Understanding of Consciousness (Basic Books 1997) (ISBN 0465073514)
Brainchildren: Essays on Designing Minds (Representation and Mind) (MIT Press 1998) (ISBN 0262041669) - 'n Versameling Essays 1984-1996
Freedom Evolves (Viking Press 2003) (ISBN 0670031860)
Sweet Dreams : Philosophical Obstacles to a Science of Consciousness (Jean Nicod Lectures) (Bradford Books 2005) (ISBN 0262042258)

Tekste oor Dennett

Daniel Dennett edited by Andrew Brook and Don Ross (Cambridge University Press 2000) (ISBN 0521008646)
Dennett's Philosophy: A Comprehensive Assessment edited by Don Ross, Andrew Brook and David Thompson (MIT Press 2000) (ISBN 0262182009)
Dennett, onder andere word bespreek in John Brockman's The Third Culture.
On Dennett John Symons (Wadsworth Publishing Company 2000) (ISBN 053457632X)