Clupeidae

Clupeidae
Die Atlantiese haring, Clupea harengus
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Clupeomorpha
Orde:	Clupeiformes
Familie:	Clupeidae
Subfamilies
Dussumieriinae Clupeinae Alosinae Pellonulinae Dorosomatinae

Die Harings en Sardyne (Clupeidae) is 'n vis-familie tot die orde Clupeiformes behoort. Daar is 56 genera met minstens 190 spesies wat tot hierdie familie behoort. Dertien van die spesies kom aan die Suid-Afrikaanse kus voor.

Kenmerke

Die familie is van gemiddelde grootte (6 – 28 cm) en almal is silwerkleurig. Die liggaam is redelik plat en dit lyk asof elke vis 'n kiel onder by die pens het. Die visse het nie 'n sylyn nie. Die meeste visse van die familie kom in skole voor naby die oppervlakte, een van die redes vir die familie se kommersiële waarde. Die vis word geblik en gesout vir menslike verbruik en word ook as dierevoedsel gebruik.

Genera

Die volgende genera en gepaardgaande spesies kom aan die Suid-Afrikaanse kus voor:

• Etrumeus

• Etrumeus teres - Ooskus-rondeharing
• Etrumeus whiteheadi - Rooioog-rondeharing

• Gilchristella

• Gilchristella aestuaria - Rivierrondeharing

• Sardinops

• Sardinops sagax - Sardyn

Die volgende genus kom nie aan die Suid-Afrikaanse kus voor nie:

• Sprattus

• Sprattus sprattus - Sprot

Varswater genus

• Limnothrissa

• Limnothrissa miodon - Kapenta

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies
• Haring

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7