Claremont (kiesafdeling)
Claremont was 'n kiesafdeling vir die Suid-Afrikaanse Volksraad van 1933 tot 1953 en weer van omstreeks 1977 toe dit die kiesafdeling Rondebosch vervang en bestaan het tot 1994.
Nadat die kiesafdeling Nuweland, waar Richard Stuttaford van 1924 af LV is, voor die verkiesing van 1933 afgeskaf is, word hy in 1933 onbestrede in Claremont vir die Verenigde Party verkies. Hy kry in 1938 teenstand van die Dominiumparty se E.M.O. Clough, maar wen met 'n meerderheid van 2 052 stemme, toevallig ook presies net soveel stemme soos Clough gekry het. Stuttaford tree op 28 Desember 1942 uit die politiek, nadat hy minister in genl. Jan Smuts se kabinet was, maar omdat 1943 in elk geval verkiesingsjaar sou wees, bly die setel vakant tot die verkiesing op 7 Julie 1943 toe Sidney Frank Waterson, LV vir Suid-Skiereiland van 1929 tot 1938 en ook 'n kabinetsminister, onbestrede verkies word.
In 1948 behaal Waterson 'n meerderheid van 6 202 bo die onafhanklike R.B. de la R. Oosthuizen, wat net 731 stemme kry. In 1953 word hy weer onbestrede verkies. Waterson bly tot 4 Maart 1958 LV vir Claremont, wat met die verkiesing afgeskaf word en word daarna op 15 April onbestrede in die nuwe kiesafdeling Constantia verkies.
Frederik van Zyl Slabbert, leier van die Progressiewe Federale Party van 1979 tot 1986, was van 1977 tot 1986 LV vir Claremont.
Sien ook
[wysig | wysig bron]- Bellville
- Constantia
- De Kuilen
- Durbanville
- Groenpunt
- Groote Schuur
- Kaapse Vlakte
- Kaapstad-Hawe
- Kaapstad-Kasteel
- Kaapstad-Sentraal
- Kaapstad-Tuine
- Liesbeek
- Maitland
- Mowbray
- Nuweland
- Parow
- Pinelands
- Rondebosch
- Seepunt
- Simonstad
- Soutrivier
- Suid-Skiereiland
- Tygervallei
- Vasco
- Woodstock
- Wynberg
Bronne
[wysig | wysig bron]- Potgieter, D.J. (ed.) 1972. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).
- Schoeman, B.M. 1977. Parlementêre verkiesings in Suid-Afrika 1910-1976. Pretoria: Aktuele Publikasies.