Chorizo
Chorizo is worssoort van Spaanse oorsprong met 'n sterk kruiesmaak en 'n rooi kleur en stewige, growwe tekstuur. 'n Kenmerkende bestanddeel is pimiento choricero, 'n paprika-poeier wat verantwoordelik is vir die rooi kleur van chorizo en ook bydrae tot die lang rakleeftyd. Gewoonlik word chorizo vervaardig uit grof gemaalde, vetterige varkvleis. Ander belangrike bestanddele is sout, knoffel, marjolein, suiker en ander kruie.
Chorizo kan vars of gedroog verkry word en in laasgenoemde geval word dit soms ook gerook. Daar word veral in Spanje baie variante van die wors voorberei.