Cereopsis-gans
| Cereopsis-gans | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Cereopsis Latham, 1801
|
| Spesie: | C. novaehollandiae
|
| Binomiale naam | |
| Cereopsis novaehollandiae Latham, 1801
| |
| |
| Verspreiding van die Cereopsis-gans | |
Die Cereopsis-gans (Cereopsis novaehollandiae) is 'n groot gans wat endemies aan Suid-Australië is. Hierdie ganse word aangetref op eilande aan die suidelike kus van Australië, asook rondom die Albert- en Alexandria-meer in Suid-Australië.
Beide mannetjies en wyfies het 'n identiese veredos, met 'n eenvormige grys kleur en unieke swart kolletjies op die rug. Die stert- en vlugvere is swarter en die bene is pienk met swart voete. Hulle het ook 'n kenmerkende kort, swart snawel.
Cereopsis-ganse is uiters aggressief, ook teenoor ander watervoëls. Wanneer die mannetjie pronk maak hy 'n harde trompettergeluid en die wyfie antwoord deur soos 'n vark te snork.
Hul dieet bestaan hoofsaaklik uit gras, maar hulle sal ook die lêkorrels van hoenders en eende vreet.
Hierdie ganse broei tussen Mei en Augustus. Die mannetjie bou 'n koppievormige nes van gras en die wyfie lê vier tot vyf roomwit eiers wat 34 tot 37 dae uitbroei Die kuikens is self na drie jaar broeigereed.
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bronnelys
[wysig | wysig bron]- BirdLife International (2004). Cereopsis novaehollandiae. 2006 IUBN-rooilys van bedreigde spesies. Internasionale Unie vir die Bewaring van die Natuur 2006. Verkry op 2007-10-01.
- Hilko Insel, (2005): Eksotiese Watervoëls. LAPA Uitgewers, Pretoria. ISBN 0799334286