Capitec Bank
| Capitec Bank | |
 | |
| Tipe | Openbare maatskappy |
|---|---|
| Gestig | 2001 |
| Hoofkantoor | 1 Quantumstraat, Technopark, Stellenbosch, Suid-Afrika |
| Sleutelpersone | Santie Botha (Voorsitter) Gerrie Fourie (Hoof- uitvoerende beampte, 1 Jan 2014 - tans) André du Plessis (Hoof- finanisiële beampte) Nkosana Mashiya (Hoof- risikobestuurder & uitvoerende direkteur) |
| Gebied bedien | Suid-Afrika |
| Industrie | Finansiële dienste |
| Produkte | Lenings, kontrole, spaar, beleggings, debietkaarte, kredietkaarte, begrafnispolisse |
| Netto inkomste |  R 14,569 miljard (2018) [1] |
| Werknemers | 13 774 (2019) |
| Dogter- maatskappye | Mercantile Bank |
| Slagspreuk | "Bank better, live better" |
| Webwerf | capitecbank.co.za |
Capitec Bank is 'n Suid-Afrikaanse handelsbank wat gestig is in Stellenbosch, Wes-Kaap en wat se hoofkantoor nog steeds gebasseer is in Stellenbosch, met addisionele operasionele takke in Bellville en Johannesburg.[2] Dit is een van die plaaslikbeheerde banke wat deur die Reserwebank, wat Suid-Afrikaanse banke reguleer, gelisensieer is.[3] Dit het tot stand gekom op 1 Maart 2001 en is op 18 Februarie 2002 op die JSE gelys.[4]
Capitec is deur Jannie Mouton, Michiel le Roux en Riaan Stassen gestig. Capitec het vier grondbeginsels: Eenvoud, waarde vir geld, toegangklikheid en kliëntervaring.
Oorsig
[wysig | wysig bron]Capitec word as 'n kleinhandelsbank bedryf met die doel om bankwese te vereenvoudig. Hulle bedien individuele kliënte en besighede, maar bied nie besigheidsbankdienste vir beslote korporasies, maatskappye, vennootskappe of trusts nie. Die bank se hoof- finansiële beampte, André du Plessis, het in 2019 berig dat hulle 840 handelstakke (14 meer as 2018) landswyd bedryf met meer as 300 banktakke wat Sondae oop is[1]. Capitec het oor die 3 418 OTM's (hulle eie en deur vennootskappe) en 12,6 miljoen aktiewe kliënte[5]. Van hierdie kliënte is 2,9 miljoen aktiewe toepgebruikers en 4,7 miljoen gebruik USSD-kodes. Capitec het ook meer as 360 000 aktiewe begrafnispolisse.[1]
Die bank bied 'n Global One-rekening, wat transaksie-, spaar-, kredietfasiliteite en 'n kredietkaat in 'n enkele produk aan kliënte bied. Capitec se bruto leningsboek staan op R60,25 miljard. R2,16 miljard van die lenings is drie maande of minder agterstallig. 4,7 miljoen van Capitec se kliënte het nou saam R81,4 miljard se deposito's by die bank.[5]
Capitec het in 2019 Mercantile Bank vir R3,2 miljard by Caixa Geral de Depósitos, 'n Portugese bank, aangekoop met die oog op besigheidsbankdienste.[6]
Sien ook
[wysig | wysig bron]Verwysings
[wysig | wysig bron]- ↑ 1,0 1,1 1,2 "Opgesomde geouditeerde finansiële state 28 Februarie 2019" (PDF). Geargiveer vanaf die oorspronklike (PDF) op 20 Desember 2019.
- ↑ Korporatiewe profiel op Google Finance. URL besoek op 15 Junie 2015.
- ↑ Lys van finansiële instellings in Suid-Afrika Geargiveer 24 Mei 2009 op Wayback Machine. URL besoek op 15 Junie 2015.
- ↑ About Us URL op 20 Desember 2019 besoek
- ↑ 5,0 5,1 Capitec wil nog personeel aanstel
- ↑ (en) Verkryging van Mercantile Bank en afiliale daarvan Geargiveer 20 Desember 2019 op Wayback Machine