Beweegbare brug
'n Beweegbare brug (Engels: bascule bridge) is 'n brug wat teenoorstaande gewig kan balanseer om gelyk te span sodat verkeer daaroor kan ry. By brûe oor riviere en kanale waarop skepe vaar, moet die vry hoogte (afstand tussen die wateroppervlak en die onderkant van die brug) so groot wees dat skepe ongehinderd daaronder kan deurvaar.
Waar dit nie moontlik is nie, word beweegbare brûe gebou waarvan die brugdek opgelig of sywaarts beweeg kan word. By draaibrûe draai die brugdek sywaarts: kleiner brûe word met die hand, en groter brûe met masjiene beweeg. By lang brûe is die spit in die middel van die brug, bokant 'n middelpilaar of middelpyler. By ophaalbrûe word die brug of ʼn gedeelte van die brug opgelig om skepe deur te laat. By langer brûe is die brug in twee verdeel.
Die brug word dan met behulp van staaltoue en teengewigte aan albei kante opgeklap. Die metode waarvolgens brugdekke aan staaltoue gehang word, het dit moontlik gemaak om reuse-afstande te oorbrug. Die afstand tussen die twee stutpilare van die Golden Gate-brug by San Francisco is 1 400 meter. As ʼn mens die staaldraad sou oprol waaruit die reusagtige hoofkabel en die draagkabels bestaan, sou jy die kus van die hele Noord-Amerika daarmee kan omspan. Die hoofkabels is meer as ʼn meter dik.
Die George-Washington-brug in New York is net so groot. Die stutpilare, wat 200 meter hoog is, weeg elk meer as 20 000 ton – dus drie keer soveel as die Eiffeltoring in Parys. Die vier hoofkabels, wat 950 mm dik is, weeg saam 28 450 ton, dit wil sê soveel as ʼn lynboot.
Bronnelys
[wysig | wysig bron]- KENNIS, 1980, ISBN 0798108266, volume 4, bl. 755
Eksterne skakels
[wysig | wysig bron]
Wikimedia Commons het meer media in die kategorie Beweegbare brug.
