Gaan na inhoud

Bernard Madoff

in Wikipedia, die vrye ensiklopedie
Bernard Madoff
Gebore29 April 1938
New York
Sterf14 April 2021 (op 82)
NasionaliteitAmerikaner
Alma materHofstra Universiteit
BeroepBeleggingsadviseur
Bekend virPonzi-skemabedrog

Bernard Lawrence Madoff (/ˈmeɪdɔːf/;[1] 29 April 1938 – 14 April 2021[2]) was 'n Amerikaanse voormalige markspeler, beleggingsadviseur, finansier, bedrieër en veroordeelde misdadiger, wat 'n federale tronkstrafvonnis moes uitdien vir oortredings wat verband hou met 'n massiewe Ponzi-skema.[3]

Hy was die voormalige nie-uitvoerende voorsitter van die NASDAQ aandelebeurs,[4] die erkende operateur van die grootste piramiedskema in wêreldgeskiedenis, en die grootste finansiële bedrog in VSA geskiedenis.[5] Aanklaers het die bedrog op $64.8 miljard bereken − gebaseer op die bedrae in die rekeninge van Madoff se 4 800 kliënte soos op 30 November 2008.[6]

Madoff het 'n "pennie aandelemakelary" in 1960 gestig, wat uiteindelik gegroei het tot "Bernard L. Madoff Investment Securities". Hy het as voorsitter daarvan gedien tot sy arrestasie op 11 Desember 2008.[7][8]

Die firma was een van die toonaangewende markondernemings op Wall Street,[9] wat spesialisfirmas omseil het deur regstreekse bestellings "oor die toonbank" van kleinhandelmakelaars uit te voer.[10]Madoff se broer Peter Madoff was die firma se senior besturende direkteur en hoof-nakomingsbeampte. Peter se dogter Shana Madoff was die firma se reëls- en nakomingsoffisier en prokureur. Sy seuns wyle Andrew en Mark Madoff was ook in diens by die firma. Peter is sedertdien tot 10 jaar tronkstraf gevonnis[11] en Mark het presies twee jaar na sy pa se arrestasie selfmoord gepleeg deur homself te hang.[12][13][14] Andrew het op 3 September 2014 aan limfoomkanker gesterf.[15]

Op 10 Desember 2008 het Madoff se seuns owerhede meegedeel dat hul vader aan hulle beken het dat die batebestuureenheid van sy firma 'n massiewe Ponzi-skema was, en hom aangehaal dat hy gesê het dat dit alles "een groot leuen" was.[16][17][18]

Die volgende dag het FBI-agente Madoff in hegtenis geneem en hom aangekla van sekuriteitsbedrog. Die Amerikaanse Sekuriteits- en Uitruilingskommissie (SEC) het voorheen verskeie ondersoeke na sy sakepraktyke gedoen, maar kon egter nie enige bewyse van bedrieglike aktiwiteite opspoor nie.[19]Op 12 Maart 2009 het Madoff skuld beken op elf federale misdrywe, en erken dat hy sy welvaartbestuurbesigheid in 'n massiewe Ponzi-skema omskep het.

Die Madoff-beleggingskandaal het duisende beleggers van miljarde dollar beroof. Madoff het gesê dat hy die Ponzi-skema in die vroeë 1990's begin het, maar federale ondersoekbeamptes glo egter dat die bedrog so vroeg as in die middel-1980's begin het[20], en dalk selfs so ver terug as die 1970's. [21]

Diegene wat verantwoordelik was vir die opsporing en verhaling van die geld, is van mening dat die beleggingsoperasie nooit regmatig kon gewees het nie.[22][23] Die bedrag wat aan kliënterekeninge ontbreek het, was bykans $ 65 miljard, insluitende vervaardigde winste. [24] Die trustee van die "Securities Investor Protection Corporation" (SIPC) het egter die werklike verliese van beleggers op $ 18 miljard beraam.[25]

Op 29 Junie 2009 is Madoff tot 150 jaar tronkstraf gevonnis, die maksimum toegelate vonnis.[26][27]

Notas

[wysig | wysig bron]
Hierdie artikel is in sy geheel of gedeeltelik vanuit die Engelse Wikipedia vertaal.

Verwysings

[wysig | wysig bron]
  1. ↑ "Voice of America pronunciation guide". Voice of America. Geargiveer van die oorspronklike op 18 Julie 2011. Opgespoor op 18 Maart 2010.
  2. ↑ https://maroelamedia.co.za/nuus/wereld/ponzi-bedrieer-bernie-madoff-oorlede/ Opgespoor en besoek op 14 April 2021
  3. ↑ "What Life Is Like for Bernie Madoff in Prison". Town & Country. 13 Januarie 2017. Opgespoor op 10 September 2018.
  4. ↑ "Ex-Nasdaq chair arrested for securities fraud". CNN Money. 12 Desember 2008. Opgespoor op 19 Oktober 2013.
  5. ↑ "Wife Says She and Madoff Tried Suicide". The New York Times. Reuters. 26 Oktober 2011. Opgespoor op 23 Mei 2013.
  6. ↑ "US Prosecutors updated the size of Madoff's scheme from $50 billion to $64 billion". Reuters. 11 Maart 2009. Opgespoor op 26 April 2009.
  7. ↑ "The Madoff Case: A Timeline". The Wall Street Journal. 6 Maart 2009. Opgespoor op 6 Maart 2009.
  8. ↑ Henriques, Diana (13 Januarie 2009). "New Description of Timing on Madoff's Confession". The New York Times. Opgespoor op 19 Januarie 19, 2009.
  9. ↑ Lieberman, David; Gogoi, Pallavi; Howard, Theresa; McCoy, Kevin; Krantz, Matt (15 Desember 2008). "Investors remain amazed over Madoff's sudden downfall". USA Today. Mclean, Virginia: Gannett Company. Opgespoor op 24 Desember 24, 2008.
  10. ↑ O'Hara, Maureen (1995). Market Microstructure Theory. Oxford: Blackwell. p. 190. ISBN 1-55786-443-8. Opgespoor op 16 Desember 2008.
  11. ↑ "Peter Madoff Sentenced to 10 Years for Role in Ponzi Scheme". NBC News. Opgespoor op 13 Augustus 2013
  12. ↑ Cornell, Irene (December 11, 2010). "Officials: Bernie Madoff's Son Mark Madoff Found Dead Of Apparent Suicide In Soho Apartment". CBS. Portland, Oregon. Opgespoor op 24 Oktober 2018.
  13. ↑ Martha Graybow and Daniel Trotta (11 Desember 2010). "Madoff's son found dead in apparent suicide". Financial Post. Opgespoor op 11 Desember 2010.[permanent dead link]
  14. ↑ "Madoff son's suicide follows battle with trustee". MSNBC. 13 Desember 2010. Opgespoor op 11 Maart 2013.
  15. ↑ "Bernie Madoff's Surviving Son Andrew Dies of Lymphoma". NBC News. NBCUniversal. 31 Oktober 2011. Opgespoor op 24 Oktober 2018.
  16. ↑ Voreacos, David; Glovin, David (13 Desember 2008). "Madoff Confessed $50 Billion Fraud Before FBI Arrest". Bloomberg News. New York City: Bloomberg L.P.
  17. ↑ "SEC: Complaint SEC against Madoff and BMIS LLC" (PDF). U.S. Securities and Exchange Commission. 11 Desember 2008. Opgespoor op 29 Desember 2008.
  18. ↑ Appelbaum, Binyamin; Hilzenrath, David S.; Paley, Amit R. (December 13, 2008). "'All Just One Big Lie'". The Washington Post. p. D01. Opgespoor op 12 Desember 2008.
  19. ↑ Lieberman, David; Gogoi, Pallavi; Howard, Theresa; McCoy, Kevin; Krantz, Matt (December 15, 2008). "Investors remain amazed over Madoff's sudden downfall". USA Today. Mclean, Virginia: Gannett Company. Retrieved December 24, 2008.
  20. ↑ Deferred prosecution agreement Archived January 8, 2014, at the Wayback Machine between JPMorgan Chase and federal government
  21. ↑ Kolker, Carlyn; Kary, Tiffany; Kishan, Saijel (23 Desember 2008). "Madoff Victims May Have to Return Profits, Principal". Bloomberg News. Opgespoor op 24 Desember 2008.
  22. ↑ Safer, Morley (September 27, 2009). "The Madoff Scam: Meet The Liquidator". 60 Minutes. CBS News. bl. 1–4. Opgespoor op 28 September 2009.
  23. ↑ Ross, Brian (2015). The Madoff Chronicles. Kingswell. ISBN 9781401310295.
  24. ↑ McCool, Grant; Martha Graybow (March 13, 2009). "Madoff pleads guilty, is jailed for $65 billion fraud". Reuters. Retrieved September 19, 2013.
  25. ↑ Safer, Morley (September 27, 2009). "The Madoff Scam: Meet The Liquidator". 60 Minutes. CBS News. bl. 1–4. Opgespoor op 28 September 2009.
  26. ↑ "Bernard Madoff gets 150 years behind bars for fraud scheme". CBC News. 29 Junie 2009. Geargiveer van die oorspronklike op 2 Julie 2009. Opgespoor op 29 Junie 2009.
  27. ↑ Healy, Jack (29 Junie 2009). "Madoff Sentenced to 150 Years for Ponzi Scheme". The New York Times. Opgespoor op 29 Junie 2009.
Ontsluit van "https://af.wikipedia.org/w/index.php?title=Bernard_Madoff&oldid=2483113"