Bariumnitraat

Eienskappe

Algemeen
Naam	Bariumnitraat
IUSTC-naam	Bariumnitraat
Struktuurformule van
Chemiese formule	Ba(NO3)2
Molêre massa	261,34[g/mol]
CAS-nommer	10022-31-8
Voorkoms	kleurlose of wit vastestof
Reuk	reukloos
Fasegedrag
Selkonstantes	a=811,21pm
Ruimtegroep	Pa3
Nommer	205
Strukturbericht	G2₁
Smeltpunt	590 °C
Kookpunt	(ontbind)
Digtheid	3,24 g/cm3 @23 °C
Oplosbaarheid	103 g/L @25 °C
Ksp	4,64 x 10-3
Cp(s)	151,4 [J/molK]
ΔfHɵ	-988 [kJ/mol]
Sɵf(s)	214,0 [J/molK]
ΔfGɵ	-792,57 [kJ/ml]
Suur-basis eienskappe
pKa
Veiligheid
Flitspunt	nie-brandbaar
LD50	355 [mg/kg] (rot; oraal)
Tensy anders vermeld is alle data vir standaardtemperatuur en -druk toestande.
Portaal Chemie

Bariumnitraat is 'n sout van barium en salpetersuur. Die formule is Ba(NO₃)₂.

Kristalstruktuur

Bariumnitraat kristalliseer in die kubiese struktuur van lood(II)nitraat, G2₁ in die strukturbericht-klassifikasie.

Chemiese eienskappe

Bariumnitraat kan gevorm word deur bariumkarbonaat in salpetersuur op te los:

$BaCO_{3} 2HNO_{3}\rightarrow Ba(NO_{3})_{2} H_{2}O CO_{2}\uparrow$

By verhitting ontbind dit tot bariumoksied:

$Ba(NO_{3})_{2}\xrightarrow {>590C} BaO 2NO_{2}\uparrow O_{2}\uparrow$

Gebruike

Pirotegnies

Dit word gebruik om bariumperoksied te maak en vir 'n groen kleur in vuurwerk.

Opties

Bariumnitraatkristalle word gebruik as 'n medium in Ramanlasers. Hierdie mediums word met 'n ander laser gepomp en lewer dan deur gestimuleerde Ramanemissie laserlig met 'n verskuifde golflengte. Bariumnitraat is een van die belangrikste kristalle vir vaste-toestand Raman-verskuiwing in terme van die Raman-versterkingskoëffisiënt. Bariumnitraat beskik ook oor 'n matige breë deursigtigheidsgebied (0,33-1,8 μm) en 'n hoë skadedrempel. Nadele van bariumnitraatkristal is lae termiese geleidingsvermoë (1,17 W/mK) en hoë elektro-optiese koëffisiënt (dn/dT = -20 × 10^-6K^-1), wat lei tot 'n termiese lenseffek. Die kristal is sag en higroskopies, daarom moet dit met omsigtigheid behandel word.