Bloureier
| Bloureier | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | A. cinerea
|
| Binomiale naam | |
| Ardea cinerea Linnaeus, 1758
| |
| |
| Liggroen: somer Donkergroen: hele jaar Blou: winter | |
Die bloureier is 'n standvoël van die familie Ardeidae en inheems aan die matige klimaat dele van Europa en Asië asook dele van Afrika. Die bloureier se Engelse naam is Grey heron.
Identifikasie
[wysig | wysig bron]Die bloureier is 'n groot voël: 90–100 cm lank met 'n 175–195 cm vlerkspan en 'n massa van 1–2 kg. Sy vere is meestal blou-grys bo-op en 'n vuilwit aan die onderkant. Volwassenes het 'n wit kop met 'n breë wit voorkop, terwyl jong voëls 'n grys kop het. Die voël het 'n kragtige pienk-geel bek, wat breër is by parende volwassenes. Die bloureier vlieg stadig, met sy lang nek in 'n "S"-vorm teruggetrek.
Habitat
[wysig | wysig bron]Die spesie paar in kolonies in bome naby mere, die strand of ander moeraslande. Reiers sal ook soms hul nesse in die riete in rivierbeddings bou. Die nes is groot en lywig en word uit stokkies gebou.
Verspreiding
[wysig | wysig bron]Die bloureier verkies 'n matige klimaat en word dus in die dele van Europa gevind wat so 'n klimaat bied, sowel as Asië. Dit word ook in die suidelike en westelike dele van Afrika gevind. Baie voëls sal egter migreer tydens die winter om ys in kouer areas te vermy.
Gedrag
[wysig | wysig bron]Die bloureier jag in vlak water, waar dit visse of paddas vang met sy lang bek. Soms sal dit ook klein soogdiere of ander voëls vang. Die reier wag gewoonlik vir sy prooi om stil te staan voor hy dit vang, of sal dit baie stadig agtervolg.
Die voël maak 'n lang "fraaank" geluid.
Subspesies
[wysig | wysig bron]- Ardea cinerea cinerea. Linnaeus, 1758. Europa, Afrika, Wes-Asië.
- Ardea cinerea jouyi. Clark, 1907. Oos-Asië.
- Ardea cinerea firasa. Hartert, 1917. Madagaskar.
- Ardea cinerea monicae. Jouanin & Roux, 1963. Mauritanië.
Galery
[wysig | wysig bron]-
'n Bloureier wat visvang -
'n Onvolwasse reier -
'n Vlieënde bloureier -
'n Bloureier in vlak water -
Skedel -
Eiers
.jpg)
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (gegroepeer)
- Lys van Suider-Afrikaanse voëls volgens wetenskaplike name
Bronne
[wysig | wysig bron]- Newman se Voëls van Suider-Afrika, ISBN 1-86872-982-6
- Handbook of the Birds of the World. Josep del Hoyo, Andrew Elliott en Jordi Sargatal (red). 1: 405. Lynx Edicions.
