Akuut
Á | á |
É | é |
Í | í |
Ó | ó |
Ú | ú |
Ý | ý |
'n Akuut of akuutaksent is 'n diakritiese teken wat as 'n skuinsstreep bo-op vokale geplaas word. Die streep loop van links onder na regs bo. Dus lê dit vorentoe.
Die akuut-aksent dui die beklemtoning van 'n woord of 'n spesifieke lettergreep in 'n woord aan in 'n spesifieke konteks. Tydens spraak word die woord (of deel) dan harder, amper met 'n plofgeluid, uitgespreek. Woorde kan ook sonder die akuut-aksent geskryf word wanneer die spesifieke klem nie nodig is nie, anders as woorde met 'n gravis wat altyd daarmee geskryf moet word.
Die akuut word in verskeie moderne tale wat op die Latynse en Griekse alfabet gebaseer is, gebruik.
Voorbeelde
[wysig | wysig bron]- na - ná
- nie - nié (met "ie" word die aksentteken slegs op die "e" geplaas.)
- die - dié
- hierdie - hiérdie
- boonop - bóónop (word op beide letters geplaas)
- Jy moet óf rooi óf blou kies.
- Nóg dit, nóg dat.
- André (Name is 'n uitsondering. "André" word met die aksentteken gespel, maar 'n akuut-aksentteken word gebruik, nie die gravis nie)
- Dit is sý hond.
ASCII kodes
[wysig | wysig bron]Kleinletters | Hoofletters | ||
---|---|---|---|
á | 160 / 0225 / E1 | Á | 0193 / C1 |
é | 130 / 0233 / E9 | É | 144 / 0201 / C9 |
í | 161 / 0237 / ED | Í | 0205 / CD |
ó | 162 / 0243 / F3 | Ó | 0211 / D3 |
ú | 163 / 0250 / FA | Ú | 0218 / DA |
Hou die Alt-sleutel in terwyl hierdie syfers ingesleutel word in Microsoft Windows.
In Microsoft Word kan jy Ctrl en ' druk en dan die letter.
'n Ander alternatief is ook om op die Windows-knoppie links onder te druk en in die soekblokkie "character" te tik en enter te druk. Daar kan feitlik enige simbool verkry word.
Die heksadesimale karakters kan op Linux gebruik word deur CTRL SHIFT U saam te druk, en dan die heksadesimale kode, bv. E1 te gebruik om vir 'n á te gee.
Kyk ook
[wysig | wysig bron]- Handwoordeboek van die Afrikaanse Taal (HAT)
- Woordeboek van die Afrikaanse Taal (WAT)
- Wikipedia:Riglyne vir voorbladartikels
- Afrikaanse Woordelys en Spelreëls
- Grondbeginsels van die Afrikaanse spelling
- Wikipedia:Algemene spelfoute
- Speltoetser
- Spelling
- Woordeboek
- Hoofletter
- Koppelteken
- Deelteken
- Kappie (leesteken)
- Gravis-aksentteken
- Afkappingsteken