Familio

"Geedzoj en paco vivas en reĝa palaco"

~ Zamenhof

"As is customary in Esperantio, please uppercase your family name!"

~ Krokodilo pri familio

"Mi bezonas la anglan pro mia familio"

~ virino pri la angla familie

"En la familio ĉiuj frazoj laboris dum la tuta lago en proksima vilaĵo"

~ preseraro pri familio

"ofte tio okazas en familio, ne publike"

~ via fratino pri incesto

"Estas malfacile meti manĝon sur vian familion."

~ George W. Bush pri via familio

"en mia granda familio kelkaj manghas panon, kaj aliaj man'gas kachon"

~ anonimulo pri familio

"Hundo spegulas la familion. Kiu vidis iam viglan hundon en grumbla familio aŭ malĝojan en feliĉa? Grumblaj homoj havas grumblajn hundojn, dangeraj homoj, danĝerajn"

~ Arthur Conan Doyle pri familia hundo

"la nomoj de plej multaj judaj familioj devenas de nomoj de urboj, stratoj, domoj ktp"

~ Ahmad Modabber pri judaj familinomoj

"Chu du gefratoj, kiuj pro frua disigho, kreskis en du tute apartaj familioj, apartenas al la sama familio?"

~ Eduardo Trapani pri ŝanĝitaj gemeloj

"la "geknaboj" ankoraŭ loĝas en familio"

~ Giancarlo Rinaldo pri studuntoj

Familio estas torturo inventita de Dio, ĉar Li malamas nin. La vorto familio devenas de la latina familia (= familio), siavice el famulus (= sklavo), sekve, familio signifas "sklavaro".

Vikipedio difinas taŭtologie familio kiel logika klaso, kiel aro da individuoj, homoj aŭ aliaj estaĵoj, simile vivantaj kiel familia grupo (Ho, ĉu ne?).

Seksumadon kun familiano oni nomas incesto, sekve, geedzoj devas eviti seksumi.

Pluraj alia temoj rilatas al la sama afero: laŭforme - feko, mono; samseksemo, divorco; edzo kaj edzino, filo, klono, Holokaŭsto, kontraŭkoncipo, infano ktp.

Duonfratoj

Fraŭlino diras al la patro, "Paĉjo, mi trovis la viron, kiun mi deziras edzi. Li estas Petro, la filo de la bakalaŭro."

La patro ĉirkaŭrigardas. Lia edzino ne estas en la ĉambro. Li diras, "Ho, mi bedaŭras, sed vi devas ne edzi lin. Li estas via duonfrato."

La fraŭlino malĝojas. Sed, post iom da tempo, ŝi trovas alian viron kaj revenas. "Paĉjo, mi deziras edzi Julion, la filo de la bierfaristo."

Refoje la patro ĉirkaŭrigardas, tiam diras, "Ho, mi bedaŭras, sed vi devas ne edzi lin. Li estas via duonfrato."

Nun la fraulino malĝojegas. Kiam ŝi denove serĉas edzon, ŝi iras al alia vilaĝo. Ŝi revenas al la patro kaj diras, "Paĉjo, mi deziras edzi Tomason, la filo de la burĝo."

Sed, refoje la patro ĉirkaŭrigardas kaj diras, "Ho, mi bedaŭras, sed vi devas ne edzi lin. Li estas via duonfrato."

La fraŭlino koleras. Ŝi vokas sian patrinon. Ŝi diras, "Panjo, mi deziras edziĝi, sed paĉjo diras, ke ĉiuj viroj en la provinco estas siaj filoj. Kion mi faru?"

La patrino rigardas momente la patron kaj diras, "Ne zorgu. Vi ne estas lia filino."

Sentitole

“Rakontu ion pri la familio de la orkideoj”.

“La patrino ĉiam malpermesas al mi klaĉi pri aliaj familioj”.

Ronda familio

Certe ni esperas, ke pri Ronda Familio neniu plu interesiĝas, kaj la diskutoj pri Strategioj en UEA ŝajne kabeis.

Familinomo

Saĝa diro, eble.

En realeco , Tereza Kalevski estas eta knabino. Ŝi estas inteligenta kaj tre scivola.

"Diru, patro", ŝi demandis, "ĉu ankaŭ via avo kaj via avino nomiĝis Kalevski? "

"Jes, mia infano", respondis la patro.

"Kaj la gepatroj de viaj geavoj, ĉu ankau ili nomiĝis Kalevski? ", esploris Tereza.

"Jes, certe", eksplikis la patro.

"Kaj... ĉu ankaŭ la gepatroj kaj geavoj antaŭ ili? ", volis scii Tereza.

"Jes, ĉiuj!", konfirmis la patro.

Tereza longe pripensis kaj fine demandis:"Ĉu do ankaŭ Adamo kaj Eva nomiĝis Kalevski??"

La familio, lernejo pri libereco kaj paco

Familio estas la unua ĉelo de la homa societo, kie formiĝas la harmoniaj rilatoj je ĉiuj niveloj de la homa kunvivado, nacie kaj internacie.

FARENDAĴOJ

Estas sabate matene, kaj la familio matenmanĝas. Jozefino tenas longan paperpecon en la mano.

Adoleska Amando: Kion vi havas, panjo?

Jozefino: Mi ĵus finis longan liston de farendaĵoj.

Patro: Ĉu finis? Tre bone.

Jozefino: Mi celas diri ke mi finis skribi la liston. Nun mi bezonas nur kelkajn 'volontulojn' por fari ĉion!

Granda familio

Mia familio estas granda. Tri infanoj. Du miaj, unu bopatrina.

Memmortiĝo

"La gazeto enhavas interesan kaj konindan artikolon pri edzo," rakontas ulo. "Li sin mortigis ĉar li havis malagrablan familian vivadon!"

"Ĉu vere?" miras edzino. "Kaj ĉu li per tio atingis pli agrablan familian vivadon?"

Ho, ho

Post servado en la familio dum kelkaj jaroj anoncis Mary Jane sian baldaŭan edziniĝon.

“ Mi esperas," diris ŝia mastrino , “ ke vi sufiĉe serioze estas pripensinta la aferon."

“ Vere tion mi faris, sinjorino !" rediris la servistino. "Mi estas vizitinta du sortdiristojn kaj unu klarvidant o ! ! Mi revis la kapon sur buklo de lia hararo ; kaj mi konsultis unu el tiaj astrologoj, kaj ĉiuj ili diras . ‘Antaŭeniru . ’ Ho . Mi ne estas tia kia edziniĝos senpripense, sinjorino mia.”

Familia helpo

Ha! mia riĉa onklo estas malsaĝulo! Mi skribis al li leteron dirantan, ke mi havas tiom da malfeliĉo, ke miaj haroj jam blankiĝis, kaj mi petis lian helpon. — Kaj kion li faris? ... Li sendis al mi boteleton da harkolorigilo.

Gekuzoj

Saluton, Vasil! Mi deziras konatigi Vin al la mia kuzino.

- Dankon, sed mi konas ŝin.

- Ĉu ne? Ekde kiam?

- Antaŭtempe ŝi estis ankaŭ mia kuzino…

Petola kuzo

Junulo foje iris al la kamparo dum somerferio por gajni iom da mono sur la farmo de sia patrinflanka onklo.

"Jen," diras la onko, "ekde morgaŭ, vi devos labori ĉiutage en tiu kampo. Sed atentegu: mi havas du filinojn, kaj se vi tuŝos unu aŭ la alian, mi senhezite mortigos vin!"

"Ne timu, oĉjo", diras la juna knabo. "Kvankam mi ŝatas la injojn, mi estas ja nur urbano, kaj post tuttaga kampolaboro, mi certe estos tro lacega por eĉ rimarki ilin!"

Kaj tiunokte Kruko kuŝiĝas frue, por esti freŝa kaj energioza por la morgaŭa laborego. Kaj jen kiam la suno apenaŭ leviĝis, la farmista onklo jam vekas knabon, kaj kondukas lin al la kampo. Sed subite li rimarkas ke knabo portas urbajn ŝuojn.

"Ho ve!" li elkrias. "Vi ne povas labori kun tiaj ŝuoj - ili tuj ŝirighos, kaj viaj piedoj vundiĝos. Vi bezonas verajn botojn! Jen, estas bona paro en la vestoŝranko de la ĉambro de miaj filinoj. Prenu ilin, kaj revenu rapide!"

Do, Kruko kuras ĝis la farmodomo, eniras la ĉambron, kaj iras ĝis la vestoŝranko. Sed li tuj rimarkas la du belegajn filinojn de sia onklo, kiuj ankoraŭ dormas. Ĉar estas somere varma vetero, ili estas apenaŭ vestitaj, kaj kuzo ne povas malhelpi sin. Li ekseksumas la unuan knabinon, kiu neniel rezistas, eĉ helpas. Kuraĝigita, li poste iras al la dua filino, kaj rekomencas. Sed tiu provas forpuŝi lin:

"Ne, ne! Vi ne povas fari tion. Mia patro mortigos vin!"

"Tute ne!" respondas kuzo. "Estas fakte li kiu sendis min. Vi tuj vidos...."

Li iras ĝis la fenestro, malfermas ĝin, kaj krias:

"He, oĉjo! Ĉu mi prenu ambaŭ?"

"Kompreneble!" respondas la onklo. "Vi ja ne povas preni nur unu!"

Kvin Familioj

La Kvin Familioj estas la precipaj krimaj familioj de la italusona mafio de Novjorko kiu regis la organizitan krimon en la urbo. La Kvin Familioj, sub la sugesto de Salvatore Maranzano, respondecis pri la sistemo La Komisiono, konsilio kiu difinis la teritorion inter la frakcioj antaŭe en milito kaj kiuj regas la aktivecojn de Cosa Nostra en Usono.

La Kvin Familioj estas:

• Banano: Vicente Fox
• Kolombio: Carmine "Junior" Persico
• Gambo: Dominique Strauss-Kahn
• Geno: "Danny el león"
• Lugano: Viktor von Frankenstein

Dua edzo

Familia filmo

- Imagu, karulo, kiom malfacila estas mia familia vivo - mia edzino antaŭe estis edzinita je milionulo!
- Mi imagas, ĉe mi eĉ pli malfacila - la mia opinias ke nun estas edzinita je milionulo.

Problemo

Supozu ke mi edziĝis al vidvino kiu havas plenkreskan filinon, kaj mia patro ekamis la filinon. Baldaŭ poste, ili geedziĝus. Mia patro tiam ankaŭ estus mia bofilo, kaj mia anstataŭfilino ankaŭ estus mia anstataŭpatrino, ĉar kompreneble ŝi estus la edzino de mia patro.

Sekve supozu ankaŭ ke mi havus bebon kun mia edzino. Tiu bebo ankaŭ estus bofrato de mia patro, kaj tiaokaze mia filo ankaŭ estus mia onklo. Sed se li estus mia onklo, li ankaŭ estus frato de la plenkreska filino de la vidvino, kiu kompreneble estas mia bopatrino.

Sekve supozu ke la edzino de mia patro tiam havus filon. Ĉi tiu knabo estus mia nepo, ĉar li estus la filo de mia filino. Mia edzino tiel estus la patrino de mia bopatrino, sed tiel kvankam ŝi estus mia edzino, ŝi ankaŭ estus mia avino.

Fine, se mia edzino estus mia avino, tiel mi estus ŝia nepo, sed kiel edzo de mia avino, ĉu mi estus mia propra avo?

Avo

Ulo parolas kun sia maljunega avo. Tiu diras, "Mi estas 94-jara, kaj mi havas eĉ ne unu malamikon en la mondo!"

"Tio estas vere bela penso".

"Jes ja! Ĉiuj jam delonge formortis."

La Familio: Proklamo al la mondo

Sed la regulo de la fido, por jam dekomence konfesi klare, kion ni defendas, estas kompreneble la jena, laŭ kiu estas kredate, ke "La Familio: Proklamo al la mondo" estas deklaro eldonita de la Eklezio de Jesuo Kristo de la Sanktuloj de la Lastaj Tagoj en 1995, kiu difinis la oficialan pozicion de la eklezio pri la familio, genroj, kaj homa sekseco. Ĝi unue estis diskonigita de la eklezia prezidento Gordon B. Hinckley ĉe la tutmonde Ĝenerala Renkontigĝo de la Krizhelpa Societo la 23-an de septembro, 1995.

Inteligenta rezonado

Knabo: Mi opinias, ke en la suba etaĝo estas gastoj ĉe miaj gepatroj
Onklino: Kiel vi povas scii tion?
Knabo: Mi ĵus aŭdis panjon ridi pri unu el la ŝercoj de mia patro.

Divorco

Al la eta Julinjo venas ludi la geamikoj. Ili ludas paĉjo-panjon en la infanĉambro, sed la patrino de Julinjo rimarkas, ke filineto sidadas sola en la kuirejo.

-- Kial vi ne ludas kun la aliaj? -- ŝi demandas ŝin.

-- Sed mi kunludas, mi nur kverelis kun la edzo, kaj jhus mi reloĝiĝis al la panjo.

Familio katolika

La katolikoj estas fratoj ; ili ja apartenas al unu sola familio, kies Patro estas Dio mem kaj Patrino estas la sanktega Virgulino Mario.

Kuzo

-- Imagu, hieraŭ mi renkontis mian kuzon.

-- Ĉu vere? Ĉu vi estas kontenta. Ĉu li estas bonaspekta, simpatia?

-- Ne tre. Sufiĉe malgranda, sulkiĝinta, kalva. Li havas grandan stomakon, kaj li ege grumblis, se la botelo malpleniĝis.

-- Terure! Tiel drinkema! Kiom aĝa li estas?

-- Tri monata.

Familia kuracisto

-- Sinjoro doktoro, savu min! Donu efikan kuracilon. Mi ne povas toleri plu...

-- Pri kio vi plendas?

-- Mi suferas konstante. Kaj tage kaj nokte.

-- Bone, ... bone, trankvilighu, rakontu, kia problemo suferigas vin?

-- La sendormemo de mia edzino, kapokramfo de la filino, kolelitiazo de mia bo-patrino kaj la reŭmatismo de nia kunluanta najbaro. Mi freneziĝos en tiu domo. Aj! Ve!

Ho, Ve!

Geamantoj sidas sur benko en la parko.

-- Du semajnojn ni amas jam unu la alian. Kiam vi prezentos min al via familio?

-- Maleblas, karulino! La edzino estas eksterlande, kaj la gefiloj cse la bogeavoj.

Familia Historia Biblioteko

Fine, la flegma k eble faŝistema sinjoro Eden, deklaris en angla parlamento, ke Familio Historio Biblioteko (FHL) estas genealogia esplorservo en urbocentro de Sallagurbo, Usono. La biblioteko estas malferma al la publiko senpage kaj estas funkciata de FamilySearch, la genealogia brako de la Eklezio de Jesuo Kristo de la Sanktuloj de la Lastaj Tagoj.

Rondo familia

-- Geknaboj, iu diru ekzemplon pri la frazo: "La rondo estas fermita."

-- Mi scias!

-- Diru, filo mia.

-- La muso timas la katon, la kato timas la hundon, la hundo timas mian patron. Paĉjo timas mian panjon, kaj panjo timas la muson.

Idista familio

Yen familio (gespozi kaj fresha infanto) promenanta apud bela montaro. Subite, la muliero iraceskas kaj insultas violentoze al sua timida spozo:

“IREZ SENPILIGAR HANI, STULTA!!”

La viro tacas, ma audeblesas eko:“STULTA!, TULTA!, ULTA!”

Lore, la viro dicas:“Dankon, S-ro eko!” Kaj la fresha infanto questionas suan patron:

“Papao: qua esas S-ro Eko?”E la patro respondas:

“Lu esas l’unika s-ro quiu havas la kurajon replikari al vua matro.”

Boparencoj

Geedzoj veturas per aŭto tra la kamparo. Ili silentas, ĉar ili malpaciĝis. Iumomente la edzo ekvidas bovaron kaj demandas:

– Ĉu viaj parencoj?

– Ne miaj boparencoj!

Familia manĝado

Familio tagmanĝas. Ĉe tablo sidas patro kaj tri filoj. La patro diras al la plej aĝa filo:
- Manĝu la supon akurate! Kial vi fosas ĝin, manĝas malrapide, estas abomene rigardi!
- Sed kial vi kriaĉas?
- MI KRIAĈAS? Kanajlo!
Kaj vangofrapas lin.
La alia filo diras:
- Paĉjo, se li ne volas manĝi, kial vi devigas lin manĝi, kaj eĉ frapas lin? Vi estas kvazaŭ tirano.
- MI ESTAS TIRANO??? Kanajlo!
Kaj ankau lin vangofrapas.
La plej eta filo metas sian kuleron sur la tablon, kaj kovras la vangojn per la manoj.
La patro diras:
- Kial vi kovras vin? Vi manĝas bone, vi estas ĝentila, ne arogas kontraŭ la patro. Kion vi timas?
- Mi scias ke mi estas ghentila. Mi kovras min por ajna okazo, ja vi estas tia idioto...

• ˚ ˚ •。★° * • ˚ ˚ •。★ 。 ° ˚* _Π_____*。*˚★ 。* 。*。 • ˚ ˚ •。★
• ˚ ˚ •。★˚ * * • ˚ ˚ •。★˛ •˛•*/______/~＼。˚ ˚ ˛★ 。* 。*★ 。* 。*
• ˚** *• ★ * • ˚ ˚ •。★˚ ˛ •˛• ｜ 田田｜門｜ ˚ * • ˚ ˚ •。★ * • ˚ ˚ •。

LERTA KUIRISTO

La familio vespermanĝas.

Eta Joĉjo: Ĉi tio bongustegas, panjo. Vi fariĝas pli lerta kuiristo ĉiutage.

Jozefino: Dankon, Joĉjo. Sed ĉifoje mi nur prenis kongelitan pladon kaj revarmigis ĝin per la mikroonda forno.

Joĉjo: Ĉu vere? Nu, vi pli lerte revarmigas kongelitaĵojn per la mikroondilo ĉiutage!

BROKOLO

La familio vespermanĝas, sed eta Joĉjo hezitas.

Jozefino: Nu, Joĉjo, jam finmanĝu la brokolon!

Joĉjo: Sed panjo, mi malŝategas brokolon!

Jozefino: Ĉu!? Mi kredas ke vi diris ke brokolo estas via preferata legomo.

Joĉjo: Jes, ĝi estas -- mi malŝategas ĉiujn aliajn legomojn eĉ pli!