Dewiq

Dewiq
Latar wuri
Jeneng lair	Cynthia Dewi Bayu Wardhani
Jeneng liya	Dewiq
Lair	(1975-06-15) Juni 15, 1975 Ujung Pandang, Sulawesi Kidul, Indonésia
Pakaryan	musikus, penyanyi
Taun aktif	1995-sapunika

Cynthia Dewi Bayu Wardhani luwih misuwur kanthi jeneng Dewiq (lair ing Makassar, Sulawesi Kidul, 15 Juni 1975; umur 49 taun). Dewiq ya iku musikus lan penyanyi kang asalé saka Indonésia. Lagu-lagu ciptaané Dewiq luwih misuwur tinimbang kang nyiptakaké. Akèh wong kang ora ngerti yèn lagu iku kang nggawé Dewiq. Dewiq nggawé lagu ing akèh aliran musik. Nanging Dewiq luwih seneng karo aliran musik blues. lagu kang digawé Dewiq luwih misuwur tinimbang Dewiq. Malah-malah akèh wong kang ora percaya yèn lagu-lagu iku gaweyane Dewiq. Dewiq iku mantan bojoné Pay CCD kang dadi gitaris grup musik BIP.

Karir

Dewiq iku anak kang pungkasan (ragil) saka pasangan Bambang Yuliarto lan Myrna Amy Nigell (Walanda). Dewiq wiwit cilik pancén seneng musik. Nalika SMP Dewiq sinau main gitar lan nalika SMU Dewiq banjur sinau main drum. Dewiq sekolah SMU ing salah sijiné SMU kang ana ing Jakarta Utara. Dewiq wiwit ngerti musik lan wiwit seneng musik kang duwé aliran rock, Gun n Rose, Black sabath, Metalica. Nalika kuliyah jurusan Sastra Inggris ing STIBA Bandung, Dewiq nggawé grup band Red Rose kang mirunggan main musik Extreme, Mr Big, lan Led Zeppelin. Nanging saking senengé ngeband lan mèlu festival-festival musik ndadékaké kuliyahé ora nutug lan mung tekan semester papat.

Dewiq wiwit pacaran karo Pay nalika lagi nggawé album kang kaping pindho. Sasi Maret taun 2001, Dewiq lan Pay banjur nikah. Leloroné cerai nalika taun 2007.