Notáriu

En términus generalis, el notáriu (latín notarius), tamién llamau notariu públicu, es un huncionariu graduau en derechu cuya intervención otorga carácter públicu a los documentus privaus y los autoriza a tal fin con la su firma. Es un testigu de fe o fedatariu públicu que garantiza la legitimidá los documentus en los qu'intervieni y proporciona a los ciudadanus la seguridá jurídica en el ámbitu extrajudicial. Los sus actus se hallan investíus de presunción de verdá, está habilitau polas leyis y reglamentus pa conferil fe pública de los contratus y actus extrajudicialis originaus en el marcu del derechu privau de naturaleza civil y mercantil, asín comu pa informal y asesoral a los ciudadanus en matéria d'actas públicas sobri hechus, cuestionis testamentarias y derechu hereditariu, entri otrus.