Aldamio

Aldamioa, Donostiako etxe bateko berritze-lanetan.

Aldamioa bata bestearen gainean jarritako plataformaz osaturiko aldi baterako eraikuntza da, eraikuntza-leku batean nahiz konponketa lanetan langileen pasabidea eta materialen garraioa ahalbidetzen dituena. Burdina, altzairu, aluminio nahiz zurezko pieza aurrefabrikatuez eraikitzen dira gehienetan, baina egun ere banbuzko kanaberaz egindako aldamioak ere eraikitzen dira, Asian bereziki. Finkoak, mugikorrak nahiz zintzilikatuak izan daitezke.

Pedagogian

"Aldamio", "aldamio egitura", aldamio egitura hezitzaile eta "aldamio sistema" kontzeptuak asko erabili izan dira pedagogian, batez ere konstruktibismoari lotutako testuinguruetan. Hegoaldean gaztelaniatik bere horretan "*andamiaje" (sic), "*aldamiaia" eta "*aldamiaje" neologismoak erabili izan dira inoiz.

Irudiak

• 
  Metalezko aldamio egitura eraikuntza bateko aurreko alde osoa berriztatzeko.
• 
  Langileak egurra ere erabiltzen duen metalezko aldamio egitura batean.
• 
  Metalezko aldamio egitura bat eraikitzen. Hasierako egitura.
• 
  Egurrezko aldamio egitura, eraikuntza baten barneko aldean.
• 
  Metal eta egurrezko aldamio egitura.
• 
  Aldamio egitura bateko beheko aldea, espaloi baten gainean.
• 
  Banbuz egindako aldamioa, Txinan.
• 
  Banbuz egindako aldamioa, Hong Kongen.

Ikus, gainera

• Aldamio egitura (hezkuntza).

Kanpo estekak

• Datuak: Q233320
• Multimedia: Scaffolding / Q233320

Artikulu hau zirriborroa da. Wikipedia lagun dezakezu edukia osatuz.