Viskozeco

La alidirektilo viskozo gvidas ĉi-tien. Tamen viskozo en teknika senco ankaŭ estas "koloida pseŭdosolvaĵo de celuloza ksantato, kiu povas esti fadenigita, por fabriki artefaritan silkon",^[1] el kio rezultas Rajono (teksaĵo).

Viskozeco estas la "glueco" de fluidaĵo aŭ gaso. Ĝi rezultas el la intermolekulaj fortoj en fluidaĵo, tiel ĝi dependas de la kohereco, de la intermolekulaj (inter la molekuloj aŭ korpuskloj) efikantaj fortoj. La nocio fluido entenas la agregatostatojn likvaĵo kaj gaso.

Viskozeco de likvaĵoj

Oni parolas pri viskozeco ĉe fluema konduto de likvaĵo: ju pli granda estas la viskozeco, des pli densflua estas la substanco. Tion kaŭzas la moviĝon de molekulaj tavoloj unu super la alia, por kio necesas ioma forto. Tion persistemon oni mezuras kaj karakterizas la viskozecon.

Ĉe la alkanoj (ĉenformaj karbonhidrogenoj), la viskozeco kreskas kun longiĝo de la ĉeno (kaj tiel kreskas la intermolekula forto, la Forto de Van-der-Waals) daŭre kaj atingas ekde nonano (kun 9 C-atomoj) jam relative altan valoron.

Neŭtonaj likvaĵoj

La vario de rapido, inter du likvaĵaj platoj, pri kiuj estas distanco dy, estas:

D=\left({\frac {dv}{dy}}\right)\,,

la ŝera ŝarĝado $\tau$ de la dinamika viskozeco kalkuliĝas per:

\tau =\eta \left({\frac {dv}{dy}}\right)\Rightarrow \eta =\left({\frac {\tau }{D}}\right)

$D$ kaj ankaŭ $\eta$ estas neŭtonaj konstantoj.

Tamen multaj substancoj ne sekvas tiun leĝon. Tial oni difinas alian parametron. La ŝera rapido $D$ devas esti kalkulata de la tonda tensio $\tau$ en la likvaĵo, kaj ne nur de la rapido-derivaĵo; tia fluaĵo tiam nomiĝas neneŭtona fluido.

Ankaŭ, la kvociento de la dinamika viskozeco $\eta$ per la denseco $\rho$ difiniĝas kiel la kinematika viskozeco:

\nu =\left({\frac {\eta }{\rho }}\right)

SI-unuoj

SI-unuoj:

dinamika viskozeco:

[\eta ]=\left({\frac {kg}{m\cdot s}}\right)=Pa\cdot s=\left({\frac {Ns}{m^{2}}}\right)\ ;

kinematika viskozeco:

[\nu ]=\left({\frac {m^{2}}{s}}\right)\ .

CGS

En la CGS-sistemo uzatas poise (P) por dinamika viskozeco, kaj stokes (St) por kinematika viskozeco.

Tipaj viskozecaj valoroj

(en [mPa s] ĉe 20 °C)

Petrolo	0,65
Pentano	0,232
Olivoleo	~ 10²
Akvo	1,0
Heksano	0,320
Mielo	~ 10⁴
Hidrargo	1,5
Heptano	0,410
Siropo	~ 10⁵
Vinbera suko	2 - 5
Oktano	0,538
Polimerfando	~ 10³ ĝis 10⁶
Sango (37 °C)	4 - 25
Nonano	0,711
Bitumo	~ 10¹¹
Kafokremo	~ 10
Dekano	0,920
Asfalto	~ 10⁵
Vitro	~ 10²³
Vitro (varma dum prilaboro)	~ 10² ĝis 10⁷

Viskozeco de gasoj

Oni povas ankaŭ difini la viskozecon:

\eta ={\frac {1}{3}}nmvl

kie v estas la averaĝa rapido, n estas la denso de la gaso, m ĝia maso kaj l ĝia meza libera vojolongeco.

La viskozeco de gasoj estas sendependa de premo pri malaltaj premoj (≈0,1 ĝis 10 bar), kaj (kontraŭe al likvaĵoj) kreskas kun altiĝo de la temperaturo.