28 Maart

28 Maart is die 87ste dag van die jaar in die Gregoriaanse kalender (88ste in 'n skrikkeljaar). Daar is nog 278 dae in hierdie jaar.

Gebeure

845 – Parys word beleer deur Viking stropers, waarskynlik onder die leiding van Ragnar Lodbrok, wat 'n groot klomp geld verlang voor hulle bereid is om die stad te verlaat.
1509 – Alessandro Farnese (later Pous Paulus III) word biskop van Parma.
1676 – Pous Clemens X verklaar Johannes van Kanti salig.
1776 – Juan Bautista de Anza vind die aangewese plek vir die Presidio of San Francisco.
1804 – Die Bocken-oorlog naby Zürich begin toe die boere om Zürich in opstand kom teen verhoogte belastings deur die Stad Zürich.
1854 – Krimoorlog: Die Verenigde Koninkryk en Frankryk verklaar oorlog teen Rusland.
1910 – Henri Fabre word die eerste persoon wat 'n seevliegtuig loods nadat hy opgestyg het vanaf water naby Martigues, Frankryk.
1930 – Konstantinopel en Angora verander hulle name na Istanbul en Ankara.
1939 – Spaanse Burgeroorlog: Generalissimo Francisco Franco verower Madrid, en beëindig die oorlog.
1942 – Tweede Wêreldoorlog: Britse Kommando's val Saint-Nazaire aan.
1964 – Die eerste roofradio-stasie, Radio Caroline, word gevestig.
1979 – In Pennsilvanië faal 'n pomp in die verkoelingstelsel van die kernreaktor by Three Mile Island, wat daartoe lei dat radio-aktiewe water ontsnap en lei tot 'n kernsmelting (Engels: nuclear meltdown).
1994 – In Suid-Afrika baklei Inhatha en ANC-ondersteuners in sentraal-Johannesburg wat lei tot 18 sterftes.
2002 – Die uitstalling "The Italians: Three Centuries of Italian Art" open in die Nasionale galery van Australië.
2016 – Die Oculus Rift 'n kommersiële produk waarmee 'n skynwerklikheid beleef kan word, word vir die publiek vrygestel.

Geboortes

1609 – Koning Frederick III van Denemarke, († 1670).
1605 – Johann Amos Comenius, bekend as die vader van moderne onderwys († 1670).
1871 – Willem Mengelberg, Nederlandse konsertdirigent († 1951).
1887 – Helena Barry-Hofmeyr, Vrystaatse Nasionale L.P.R., († 1954).
1902 – Dame Flora Robson, Engelse aktrise († 1984).
1906 – Robert Allen, Amerikaanse akteur († 1998).
1909 – Nelson Algren, Amerikaanse skrywer († 1981).
1913 – Fred le Roux, Afrikaanse joernalis, lektor en redakteur († 1984).
1921 – Dirk Bogarde, Britse akteur, († 1999).
1923 – Monica Breed, Afrikaanse omroeper, aktrise en skrywer van kleuterprogramme en hoorbeelde († 2021).
1924 – Freddie Bartholomew, Amerikaanse akteur († 1992).
1928 – Zbigniew Brzeziński, Sekuriteitadviseur van die VSA († 2017).
1933 – Cobus Rossouw, Suid-Afrikaanse akteur.
1942 – Daniel Dennett, Amerikaanse filosoof.
1943 – Conchata Ferrell, Amerikaanse aktrise († 2020).
1948 – Dianne Wiest, Amerikaanse aktrise.
1949 – Paul Bayvel, Springbokrugby speler († 2020).
1955 – Reba McEntire, Amerikaanse sanger en aktrise.
1970 – Vince Vaughn, Amerikaanse akteur.
1975 – Shanna Moakler, Amerikaanse aktrise.
1978 – Eusebius McKaiser, Suid-Afrikaanse politieke ontleder, joernalis en uitsaaier († 2023).
1981 – Julia Stiles, Amerikaanse aktrise.

Sterftes

1285 – Pous Martinus IV, die 189ste pous van die Rooms-Katolieke Kerk (* ±1210).
1687 – Constantijn Huygens, digter, komponis, argitek, diplomaat en geleerde van die Nederlandse Goue Eeu (* 1596).
1884 – Prins Leopold, Hertog van Albany, seun van koningin Victoria van die Verenigde Koninkryk (* 1853).
1905 – Sir Charles Adderley, Britse staatsman na wie Adderleystraat in Kaapstad vernoem is (* 1814).
1935 – Tielman Roos, advokaat, regter, politikus en Suid-Afrikaanse minister van justisie (* 1879).
1941 – Virginia Woolf, Britse skrywer († 1882).
1943 – Sergei Rachmaninoff, Russiese komponis (* 1873).
1953 – Jim Thorpe, Amerikaanse atleet (* 1887).
1969 – Dwight D. Eisenhower, Generaal in die Amerikaanse Weermag en 34ste President van die Verenigde State (* 1890).
1996 – Dick Findlay, Suid-Afrikaanse kunstenaar en dramaturg (* 1928).
2016 – Jo Onderstall, Suid-Afrikaanse amateur-plantkundige (* 1929).
2017 – Ahmed Kathrada, ANC-lid en anti-apartheidsaktivis (* 1929).