Felix III.

Mosaik vum Felix III. (um 527–530 entstande, speter reschtauriert)

Dr Felix III. (* z Samnium; † 530) isch vu 526 bis zue sym Dod Papscht gsii.

In ere andere Zellig wird er as Felix IV. gfiert, wel s vu 355 bis 358 e Papscht Felix II. gee het, wu zum Dail as Gegepapscht, zum Dail as rächtmäßige Papscht aagluegt wird. Mänkmol wird er wäge däm au Felix III. (IV.) bzw. Felix IV. (III.) gnännt, je nodäm, eb s Pontifikat vum Gegepapscht Felix II. as rächtmäßig oder uurechtmäßig gwäret wird.

Lääbe un Wirke

Dr Felix isch vu Samnium gstammt, wun ere as Suhn vun eme gwisse Castorius uf d Wölt chuu isch. Noch em Dod vum Papscht Johannes I., wu vum Chenig vu dr Oschtgote, em Theoderich, inhaftiert woren isch, isch är noch ere Sedisvakanz vu zwee Monet am 12. Juli 526 gwelt wore. Dr Theoderich het si fir syWahl yygsetzt ghaa,des wird as e Grund derfir aagluegt, ass si dr Felix oschtgotefryndli verhalteet.

Dr Felix het dr Semipelagianismus verurdailt, d Synod vu Orange 529 het sy Haltig bstetigt.

Dr Felix het versuecht, sy aigene Noofolger z designiere – dr Bonifatius II. Des het aber derzue gfiert, ass dr Senat d Diskussion iber dr Noohfolger vum Amtsinhabers verbote het, solang dä no läbt, un au ass eso ne Nomination aagnuu wird.

D Meehait vum Klerus het noch em Dod vum Felix dr Dioskur gwehlt, derwylscht e Minderhait dr Bonifatius II. favorisiert het. S Schisma isch aber waidli zum Änd chuu, wel dr Dioskurs bal gstorben isch.

Dr kadolisch Mahndag vum Felix isch dr 12. Oktober.

Literatur

• Adolf Jülicher: Felix 21. In: Paulys Realencyclopädie der classischen Altertumswissenschaft (RE). Band VI,2, Stuttgart 1909, Sp. 2169.
• Friedrich Wilhelm Bautz: Felix IV. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 10.

Weblink

 Commons: Felix III. – Sammlig vo Multimediadateie

• Ökumenisches Heiligenlexikon
• Ytrag in d Catholic Encyclopedia, Robert Appleton Company, New York 1913 (änglisch)

Vorgänger	Amt	Nachfolger
Johannes I.	Papscht 526–530	Bonifatius II.

Dä Artikel basiert uff ere fräie Übersetzig vu dere Version vum Artikel „Felix_III.“ vu de dütsche Wikipedia. E Liste vu de Autore un Versione isch do z finde.