Loís Pastre

Fotografia de Loís Pastre a la debuta del sègle XX

Loís Pastre (en catalan Lluís Pastre; Clarmont d'Erau, Lengadòc, 27 d'octobre de 1863 – Perpinhan, 15 de febrièr de 1927) foguèt un gramatician e escrivan occitan de la Catalonha del Nòrd .

Biografia

Loís Pastre nasquèt a Clarmont d'Erau en 1863. Arribèt a la Catalonha del Nòrd quand aviá 25 ans e i trabalhèt coma repetidor dins lo Collègi de Perpinhan. Puèi venguèt regent dins lo primari e passèt per mantuna localitat de Rosselhon abans de residir d'un biais definitiu dins la capitala del país a partir de 1900. Pastre foguèt una de las figuras mai representativas del catalanisme rosselhonés de la debuta del sègle XX. Foguèt un dels fondadors en 1906 de la Societat d'Estudis Catalans, que n'ocupèt la carga de secretari e venguèt un dels membres mai actius dins la difusion de la lenga e dins la demanda de son ensenhament. Publiquèt maites articles de pedagogia dins la Revue Catalane.

Pasmens doblidèt pas sas originas occitanas que publiquèt un libre sul parlar de Clarmont d'Erau qu'es plan ric d'elements culturals divèrses enlà de l'aspècte lingüistic.

Òbras

• Critique des traductions catalanes du songe d'Athalie (1905)
• Le catalan à l'école (1907)
• Le français enseigné par les exercices de traduction de textes catalans (1911)
• Eléments de grammaire catalane (1925)
• Le sous-dialecte bas-languedocien de Clermont l'Hérault, ed. J. Comet, Perpinhan, 1913
• Enseignement de la langue catalane par la méthode de doubles textes (1920)

Ligams extèrns

• Lluís Pastre 1863-1927, un mestre d'escola 'gavatx', laic i catalanista al Rosselló, Lluc Bonet, in Llengua i Literatura 22, 2011-2012
• BONET Lluc (2012). « Lluís Pastre (1863-1927): Traces d’un mestre rossellonès a la premsa barcelonina », p. 10-24. Els Marges (Barcelona), n°98, tardor 2012
• BONET Lluc (2016). « Lluís Pastre (1863-1927) i el conflicte lingüístic arran de la Gran Guerra », p. 207-243. In Actes du colloque ‘’1914. La guerre des écrivains roussillonnais – La guerra dels escriptors rossellonesos’’, Ille-sur-Tet, 3-4 octobre 2014, Université de Perpignan et Amics de la Casa Samsó, Perpignan, Cahiers de l’Université de Perpignan, n°43, 2016.
• BONET Luc (2014). « Savinien, Lacoste, Sarrieu, Pastre et les autres : pédagogie et idéologie pour l’occitan et le catalan à l’école (1870 – 1914) », p. 111-133. In  Actes du V^e colloque international : Transmissions linguistiques et culturelles : Pratiques plurilingues, Mende, 21-22 octobre 2013, Associacion per lo Desvolupament de l’Occitan, 254 p.