Te Anau

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Te Anau
Localidat de Nueva Zelanda
Te Anau
Estau  • Rechión  • Districto	Nueva Zelanda Southland Southland
Población  • Total	2250 hab. (2018)
Altaria  • Meyana	213 m.
Coordenadas
Te Anau Te Anau en Nueva Zelanda
Web oficial

Te Anau ye una localidat d'a rechión de Southland en a Isla d'o Sud de Nueva Zelanda. Se troba situada en o canto oriental d'o laco Te Anau en Fiordland. O Te Anau ye o laco mas gran d'a Isla d'o Sud y o segundo mas gran de Nueva Zelanda nomás por dezaga d'o laco Taupo. O censo de 2013 rechistró una población de 1.911 habitants. Ista localidat tien una ampla ufierta de plazas hoteleras, estando mas de 4.000 as camas disponibles en verano.

O turismo y a ganadería son as actividaz predominants en ista aria. Estando situada en a muga d'o Parque Nacional de Fiordland, ye puerta de dentrada a una zona famosa por o senderismo y os paisaches espectaculars. Muitos turistas plegan ta Te Anau ta vesitar os famosos fiordos vecins de Milford Sound y Doubtful Sound. A localidat se fa servir tamién como base de salida ta os senderos de gran recorriu Milford Track y Kepler Track, estando iste zaguero un recorriu cercular de 4 días arredol de Te Anau. Os vesitants d'ista zona tamién gosan realizar actividaz como o kayak, o ciclismo, a navegación en lancha, a pesca, a caza y os tours en aeroplano u helicoptero. En 2014, os lectors d'a revista New Zealand's Wilderness trigoron Te Anau como o millor puesto ta fer senderismo en Nueva Zelanda.

En o canto occidental d'o laco Te Anau se debantan as sierras de Kepler y Murchison, estando visibles dende cuasi toz os puntos de Te Anau. Se i troban muitas especies de muixons, destacando o takahe, especie menazada que habita o Parque de Fiordland. A oficina d'o Departmento de Conservación en Te Anau ye prou activa en o tocant a la protección d'as aus nativas menazadas

Toz os anyos en primerías d'aviento, Te Anau ye seu d'o Kepler Challenge una cursa de montanya que sigue o Kepler Track en a suya redolada.

Te Anau ye conectada por carretera con Invercargill a o sudeste, Queenstown a o nord-este, Gore a l'este, y Manapouri a o sud. Ye o prencipio d'a Milford Road, a sección d'a carretera estatal 94 que leva enta Milford Sound, que se troba a 120 kilometros a o norte.

Una atracción local son as espelungas de Te Ana-au, situadas debant de Te Anau a l'atro canto d'o laco. As espelungas, que se pueden vesitar a traviés d'un tour guidau diario, son l'habitat d'un gusano subterranio luminiscent.

Te Anau tien dos escuelas: o Fiordland College, d'educación secundaria, y a Escuela d'Educación Primaria de Te Anau.

Vinclos externos

• Se veigan as imáchens de Commons sobre Te Anau.
• (en) Destination Fiordland- a Organización Turistica Rechional d'a rechión de Fiordland
• (en) FiordlandNZ.com (información turistica y we de reservas)
• (en) Imáchens historicas de Te Anau d'a colección d'o Museu de Nueva Zelanda Te Papa Tongarewa

• Datos: Q1154973
• Multimedia: Te Anau / Q1154973