Lubomyr Husar
 Cardinalis Ecclesiae Catholicae Romanae | |
 | |
| Archiepiscopus maior Kioviensis-Haliciensis Ucrainorum (2001–2011) | |
| titulus S.Sophiae in via Boccea | |
| Natus | 26 Februarii 1933 |
| presbyter ordinatus | 30 Martii 1958 |
| episcopus nominatus | 2 Aprilis 1977 |
| episcopus consacratus | 2 Aprilis 1977 |
| Cardinalis promulgatus | 21 Februarii 2001 |
| a papa | Ioanne Paulo II |
| Mortuus | 31 Maii 2017 |
Lubomyr Husar (Ucrainice: Любомир Гузар) (natus die 26 Februarii 1933 Leopoli, Ucraina, Kioviae obiit die 31 Maii 2017) fuit cardinalis tituli S.Sophiae in via Boccea, et etiam Archiepiscopus maior Kioviensis-Haliciensis Ucrainorum ab anno 2001 usque ad annum 2011.
Die 2 Aprilis 1977 Lubomyr Husar ab Iosepho Cardinali Slipyj, Archiepiscopo maiore Leopolitano Ucrainorum, consecratus erat, sine assensu Romani Pontificis, sed 1995 ab Ioanne Paulo II confirmatus est ut episcopus et nominatus primus exarcha Kioviensis-Vyshhorodensis Ucrainorum. Mense Novembri 1996 nominatus est episcopus auxiliaris Archiepiscopi maioris Leopolitani Miroslai Ioannis Cardinalis Lubachivsky. Die 25 Ianuarii 2001 a Synodo Episcoporum Ecclesiae Graeco-Catholicae Ucrainae Archiepiscopus maior Leopolitanus Ucrainorum electus est et 26 Ianuarii 2001 eius electio a Romano Pontifice confirmata est. Die 21 Februarii 2001 cardinalis promulgatus est. In Augusto 2005 sedes propria Archiepiscopi maioris Ucrainorum Kioviam translata est et Husar titulum suum in Archiepiscopum maiorem Kioviensem-Haliciensem mutavit. Mense Aprili 2005 Husar conclavi adfuit, qui Iosephum Ratzinger papam creavit.
Die 10 Februarii 2011 Lubomyr Husar officio Archiepiscopi maioris Kioviensis-Haliciensis renuntiavit. Die 23 Martii 2011 Synodus Episcoporum Ecclesiae Graeco-Catholicae Ucrainae elegit novum Archiepiscopum maiorem Kioviensem-Haliciensem, episcopum Sventoslaum Ševčuk (Ucrainice: Святослав Шевчук).
Nexus externi
[recensere | fontem recensere]- "Curriculum vitae" e The Hierarchy of the Catholic Church (situs a Davide M. Cheney elaboratus) (Anglice)
- Biographia officialis Sanctae Sedis (Italiane)
- Sanctae Romane Ecclesiae cardinales - dictionarium biographicum (Anglice)