Yese

Hervez kentañ levr Shmouel eo Yese^[1] pe Ïsai pe Yishai (hebraeg יִשַׁי ) a oa tad ar roue David, hag a vez alies anvet "mab Yese" (Ben Yshai). Ar stumm "Isaï" eo a gaver en droidigezh eus ar Bibl graet gant Gwilh ar C'hoad (p 252).

Mab oa Yese da Oved, pe Obed, ha hennezh a oa mab da Voaz ha Rout. E Betlehem, e Bro Yehouda, e oa o chom. Saver deñved oa. Eizh mab en doa. Tri anezho a zo meneget e kentañ Levr Shmouel (Eliab, Abinadab,Shamma^[2]). David oa an hini yaouankañ. Goulenn a reas Shmouel gwelet holl vibien Yese a-raok oleviñ David evel ma c'hourc'hemennas Doue dezhañ^[3].

Alies e kaver en ilizoù "Gwezenn Yese" a ziskouez lignez douarel Jezuz peogwir ez eo Jezuz eus lignez David hervez an Eil Testamant^[4].

Daveoù

↑ Troidigezh Aviel Sant Mazhev renet gant Maodez Glanndour, Al Liamm, 1969, p 9
↑ Troidigezh ar Bibl gant Gwilh ar C'hoad, p 251
↑ 1S 16,1-13
↑ Mazh1, 1-17; Luk 3,23-38

[1] Troidigezh Aviel Sant Mazhev renet gant Maodez Glanndour, Al Liamm, 1969, p 9

[2] Troidigezh ar Bibl gant Gwilh ar C'hoad, p 251

[3] 1S 16,1-13

[4] Mazh1, 1-17; Luk 3,23-38

[1]

[2]

[3]

[4]