Kob
| Kob | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Kobus kob | ||||||||||
| Erxleben 1777 |
De Kob (Kobus kob) is en afrikaansche Antiloop ut dat Geslecht Waterböck. In Grött un Utsehn gliekt se den Puku. De Kob kummt in West- un Zentralafrika vör, vun Senegal över Nigeria un den Süüdsudan bet in’n Westen vun Uganda.
Dat stevige Heken kann mit ene Schuffhööch vun 90 Zentimeter bet to 120 Kilogramm op’e Waag bringen. De Kob hett en kräftigen Hals un starke, as en Lier foormte Höörn vun bet to 50 Zentimeter Läng. Dat Seken hett kene Höörn. Na de Klören warrt en poor Ünneroorden ünnerscheedt. Mehrsttiets sünd de Kobs rootbruun farvt, hebbt en witten Placken an’n Hals un swarte Placken vörn an de Fööt. An’n Buuk sünd se witt.
De Kobs leevt in Maschen un wellt Rebeden un sünd an duerhaftig vörhannen Water bunnen. Se leevt vun Gras.
De Seken billt Hoden vun 15 bet 40 Deerter. Hekens leevt enkelt. Jüst as bi’n verwandten Letschwe sünd de Revieren bi dichte Populatschoon temlich lütt; se hebbt mitünner blot en Dörmeter vun 100 Meter un dat Heken kann dat lütte Revier faken blot en poor Daag holen.
Welke Experten hebbt bet to 13 verschedene Ünneroorden beschreven, aver mehrst warrt blot dree ünnerscheden:
- Buffon-Kob (K. k. kob), Westafrika vun Senegal bet Kamerun, Tschad, Zentraalafrikaansche Republiek
- Wittohr-Kob (K. k. leucotis), Sudan, Noordwestuganda
- Uganda-Kob (K. k. thomasi), Noordkongo, Süüdwestuganda