Atolón Kure

Atolón Kure
Situación
País	Estaos Xuníos
Estaos	Ḥawai
Ciudá-condáu consolidada	condáu de Honolulu
Tipu	atolón
Parte de	Islas de Sotavento (es)
Asitiáu en	Océanu Pacíficu
Coordenaes	28°25′00″N 178°20′00″W / 28.416666666667°N 178.33333333333°O
	Atolón Kure Atolón Kure (Océanu Pacíficu)
Datos
Superficie	0,884 km²

L'atolón Kure (ḥawaianu: Mokupāpapa, históricamente Ocean Island) forma parte de les islles de Sotaventu de Ḥawai. Ta asitiáu nel estremu oeste del archipiélagu, a 91 km al oeste de Midway.

Xeografía

Kure ye l'atolón más septentrional del mundu. Ta cerca del que llamen Puntu Darwin, la llatitú onde la crecedera de los petones de coral ye igual a les fuerces que provoquen la so erosión. L'atolón tien una forma casi circular de 10 km de diámetru. L'altitú máxima ye de 6,1 metros. Namás hai dos castros significativos al sur del petón, Green Island y Sand Island, formando una superficie total de 0,86 km².^[1]

Historia

L'atolón Kure lleva'l nome del capitán rusu Kure, que lo afayó en 1827, col barcu Moller. La historia de Kure ta llena de naufraxos y rescates. En 1837 naufragó'l capitán Brown col barcu inglés Gledstanes. Mientres cinco meses sobrevivieron nel castru Green. Colos restos del naufraxu construyeron una barca que llegó a Honolulu, onde'l cónsul británicu entamó'l rescate.

En 1843 repitióse la mesma historia col balleneru estauxunidense Parker. En 1870 la espedición estaoxunidense del USS Saginaw, que fora al atolón Midway, decidió esplorar Kure por si atopaba dalgún náufragu. Estropióse'l motor y estampáronse contra los petones. Cinco voluntarios fixeron el viaxe en barca hasta Kauai, pero llegaron tán agotaos qu'entornaron na sablera y namás sobrevivió unu.

En 1886 el rei Kalakaua tomóla en posesión pol reinu de Ḥawai col nome de Moku Papapa. Construyeron un abellugu con provisiones para los posibles náufragos. Mientres la Segunda Guerra Mundial construyóse una base militar y una estación de tresmisión de radiu pa la navegación.

Fauna

Fratercula cirrhata^[2]
Ardenna pacifica'^[3]
Ptychoramphus aleuticus^[4]

Referencies

Enllaces esternos

mapcarta, map of atoll Kure and other island, (n'inglés)

[1] Xeneralidaes del atolón Kure. (castellán)

[2] Fratercula cirrhata, ebird.org (castellán)

[3] Ardenna pacifica, bird.org (castellán)

[4] Ptychoramphus aleuticus, bird.org (castellán)

[1]

[2]

[3]

[4]