Solsymbol

Solsymbol er symbol som viser sola i ei stilisert form. Dei kan ha mange ulike utformingar; mellom anna er svastika eit solsymbol. Solsymbol har stor tyding innanfor psykoanalyse, symbolisme, astrologi, religion og mystisisme.

Ulike slag solsymbol

Enkel sirkel

Ein enkel sirkel som den på det japanske flagget, det bangladeshiske flagget og det australske aboriginarflagget.

Sirkel med eit punkt i sentrum

Ein sirkel med eit punkt i sentrum er det astronomiske og det astrologiske symbolet for sola, og den gammalegyptiske teiknet for "sol" eller "Ra" i det hieroglyfiske skriftsystemet. Teiknet for «sola» eller «dag» i tidleg kinesisk skrift var liknande, men det har utvikla seg i til 日 (ri) i moderne skrift.

Solkross

Solkross, hjulkors eller solehjul er eit symbol som består av ein gresk kross med ein sirkel rundt. Det var eit vanleg symbol i skandinaviske helleristingar frå så tidleg som bronsealderen, og har kunna symbolisera solen, hjul og særleg hjula på solvogna. Solkrossen blir ofte sett på som å representera dei fire årstidene og òg som eit astronomisk symbol eller dyrekrinsen for jorda.

Solkross
Ringtromma brukt av samar i sjamanistitsk religion. På nokre samiske trommer var det symbolet for Beaivi, som er det samiske namnet på sola.
Samisk høgskole i Kautokeino brukar det samiske solsymbolet, som liknar ein solkross

Svastika

Svastika er eit gammalt solsymbol brukt av buddhistar, jainistar og hinduar utan å ha ei nazistisk tilknyting. På Holmön i Västerbotten i Sverige er symbolet bumerke for Abels gård.

Svastika er eit vanleg solsymbol som i vesten i etterkrigstida mest blir knytt til nazismen.
«Broten» solkross, sirkulær svastika

Åttetakka stjerne

Den åttetakka stjerna på flagga til Udmurtia, Mordovia, Mari El, Tsjuvasjia og det irakiske flagget frå 1959 til 1963 symboliserer sola.

Åtteeika hjul

Det åtteeika hjulet er ein versjon av solkrossen.

«Hjul» i form av tredobbel spiral eller triskelesymbol

Triskele solesymbol

Visse former av triskele blir rekna som solesymbol. På flagget til Ingusjetia symboliserer triskelen sola.

Rosett-solsymbol

Slavisk og ungarsk solsymbol og populært som dekorasjon.

Solsirkel

Den sekseika slaviske solsirkelen er eit symbol for Svantevit, som er ein krigsgud i slavisk mytologi.

Jesuittordenen sitt emblem viser solstrålar.

Solstrålar

Uruguay, Kiribati og nokre versjonar av flagga til Argentina er offisielle emblem som inneheld solstrålar. Land som Taiwan, Kasakhstan, Nepal og Filippinane har òg flagg med solstrålar. Dessutan har det japanske orlogsflagget og flagga til Tibet og Arizona solstrålar.