Patrick Chamoiseau

Patrick Chamoiseau
Statsborgarskap	Frankrike
Fødd	3. desember 1953 (70 år) Fort-de-France
Yrke	skribent, fengselsintegrerings- og friomsorgsrådgjevar, videospillsforfatter
Språk	fransk
Sjanger	créolité
Patrick Chamoiseau på Commons

Patrick Chamoiseau (fødd 3. desember 1953) er ein fransk forfattar på Martinique som er kjend for arbeidet sitt for den litterære rørsla Créolité. Han mottok Goncourtprisen 1992 for romanen Texaco.

Liv og virke

Chamoiseau blei fødd i Fort-de-France på Martinique. Etter å ha studert juss i Paris vende han tilbake til heimstaden, inspirert av Édouard Glissant til å interessera seg for den kreolske kulturen. Chamoiseau har skrive eit historisk verk om Antillane under Napoleon I si regjeringstid og fleire faktabøker, mellom anna Eloge de la créolité, som han skreiv saman med Jean Bernabé og Raphaël Confiant. Chamoiseau blei løna med den kreolske Carbetprisen (1990) for Chemins d'enfance. Romanen Texaco vann Goncourtprisen i 1992, og blei vald ut av New York Time som Notable Book of the Year.

Chamoiseau kan òg reknast som ein av dei meste nyskapande forfattarane på den franske litterære scenen sidan Louis-Ferdinand Céline. Den frie bruken hans av det franske språket – ei særs komplisert og flytande blanding av konstant innovasjon og «kreolisme» – driv intensive og sanselege skildringar av menneske på Martinique spesielt og av menneskja generelt.

Bibliografi

Romanar

• Chronique des sept misères (1986)
• Solibo magnifique (1988)
• Antan d’enfance (1990)
• Texaco (1992)
• Chemin d’école (1994)
• L'esclave vieil homme et le molosse (1997)
• Biblique des derniers gestes (2002)
• À bout d’enfance (2005)
• Un dimanche au cachot (2007)
• Les neuf consciences du malfini (2009)

Antan d’enfance, Chemin d’école og À Bout d’enfance utgjer den sjølvbiografiske trilogien Une enfance Créole.

Drama

• Manman Dio contre la fée Carabosse (1982)

Filmar

• L'exil du roi Behanzin (1994)
• Le passage du milieu (2000)
• Biguine (2004)
• Nord plage (2004)
• Aliker (2007)

Teikneseriar

• Monsieur Coutcha, under namnet Abel, saman med Tony Delsham (ein av dei fyrste karibiske serieteiknarane, gjeven ut i 1970).
• Encyclomerveille d'un tueur 1. L'orphelin de Cocoyer Grands-Bois (2009)

Barnelitteratur

• Emerveilles (1998)

Essay

• Éloge de la créolité (med Jean Bernabé og Raphaël Confiant) (1989)
• Lettres créoles. Tracées antillaises et continentales de la littérature (med Raphaël Confiant) (1991)
• Martinique (med V. Renaudeau) (1994)
• Guyane: Traces-Mémoires du bagne (1994)
• Ecrire en pays dominé (1997)
• Elmire des sept bonheurs: confidences d'un vieux travailleur de la distillerie Saint-Etienne (1998)

Kjelder

• Denne artikkelen bygger på «Patrick Chamoiseau» frå Wikipedia på svensk, den 2. august 2023.