Asturiana linguo

Asturiana linguo
asturianu
Parolata en:	Asturia (Hispania)
Regiono:	westal Europa
Quanto di parolanti:	100 000
Rango:
Klasifikuro:	Indo-Europana  Romana lingui   Westala grupo    Ibero-Latinida linguaro     Astur-Leonana linguaro      Asturiana
Oficala stando
Oficala linguo en:	Ne esas oficala
Regulata da:	Academia de la Llingua Asturiana
Kodexi
ISO 639-1:
ISO 639-2:	ast
ISO 639-3:	{{{Iso3}}}
Dialekti dil Asturiana en Asturia.
Videz anke: Latinida lingui – Linguaro

Asturiana esas Latinida linguo parolata en Asturia. Ol esas la nomo di Astur-Leonana linguaro en Asturia, ed anke kontenas Leonana linguo, parolata en Leon e Zamora, e Mirandana linguo, parolata en Miranda do Douro, Portugal. Lua gramatiko, vortaro ed ortografio regulesas dal Akademio pri Asturiana linguo e, malgre ne esar oficala, lego regulas lua uzo en Asturia.

Nomo

En Asturia, l'Asturiana linguo (asturianu) e la nomo bable mustas interpretesar kom termini referanta la sama linguo, ma kun "distinta nuanci". Llingua asturiana od Asturianu, esas la linguo parolata en Asturia, kontre ke bable ne referas ad omna extenso di la linguo, ma nur a lokala varianto. Ta nomo unesmafoye uzesis en Carreño. En 1794, Carlos González de Posada skribis en ilua Memories Hestóriques del Principáu d'Asturies l'unesma konstato di ta normo (bable) por referar ad ol.

idioma asturianu qu'ellí (Carreño) dicen Vable». Darréu, "bable" emplegóse con mayor o menor frecuencia, pero enxamás goció de muncha fama nel raigón popular, darréu que los asturianos denominaron mayoritariamente la so tradicional manera de falar como «asturiano» o «asturianu».

Tale eventas, exemple, en l'unesma tomo dil Linguistikal Atlaso di Ibera Peninsulo de 1962, qua rekolias enrejistruri pri orala inquesti facita ante l'interna milito di Hispania, ed inquestis qua esis la nomo qua recevis la linguo parolita da ulu. La maxim multa respondis "asturiano" od "Asturianu".

Nun, la lego pri promoco ed uzo di Asturiana linguo (Ley de Promoción y Uso del Asturiano), rekolias la dua termini, quankam ek l'Administrado, la termino judikata kom korekta esas "Asturiano" e tale esas referata en omna institucuri di Asturia.

Ol anke nomizesas en ciencala studii kom asturleonana o leonana, nome pos publikigo di El Dialecto Leonés (Leonana Dialekto) en 1906 da Menéndez Pidal, en qua judikesis omna linguistikala domeno kom propra ento. Ica terminologio uzesis anke da lua dicipuli. La kauzo di ca termino esas la fakto ke la domeno korespondis grandaparte, unesme kun rejio Asturia, e pose kun Rejio León. Tamen, on povas dicar ke l'uzo di la termino "Asturleonana linguo" mustas referar a tota domeno (lua nuna e lua historiala extenso) e la termino "Asturiana" esas por la linguo dil princio Asturia.

Parolanti

Segun la studio "Los Asturianos y la Lengua Asturiana. Estudio Sociolingüístico para el Principado de Asturias" (Oviedo, 1994), dal profesoro Francisco Llera Ramos, del Universitato di Baskia en Asturia, esus 100 000 nativa parolanti, plu 450 000 qui uzas la linguo kom duesma linguo. En ica studio, kontis 50 000} parolanti di Central-Asturiana, 30 000 di l'Ocidentala e 20 000 di l'orientala.

Historio

Unesma habitanti di Asturia e León

L'unesma habitanti di Asturia e León ja habitis la regiono ante l'arivo di Indo-Europana populi, e quale l'Indo-Europani, li lasis lua traco en la linguo. Tale, on trovas en l'Asturiana vorti pra-Indo-Europana kom vega, cotoya, artu, cuetu o cachiparru qui multa-kaze arivis direte o tra la Latina.

Romani

Romani arivis a Asturia dum l'1ma yarcento aK, plu tarda en altra loki de la peninsulo, ube li arivabis dum la 3ma yarcento aK. Tale komencas tardala romanigo en qua l'Asturi prenis la linguo e la kulturo dil konquestisti. La Latina divenis la propra linguo dil Asturiani e Leonani gradope pose mariaji e administrativa vantaji kom Romana civitaneso.

La procedo di romanigo eventis anke en altra loki, quo explikas ke la linguo uzita en ta epoko, la Vulraga Latina esez la linguo di qua divenis la Latinida lingui, kom la Galisiana, la Portugalana, la Kataluniana, la Hispaniana o l'Aragonana pluse altri.

Mezepoko

Ol esas dum Mezepoko ube on povas trovar la nasko di l'Asturiana kom linguo, malgre lua evoluo depos lore facez ke gramatikala strukturi, fonetiko ed ortografio chanjabez multo. La transformado dil Latino a l'Asturiano produktis gradope. Ol esas neposible donacar exakta dato en qua la Latina divenis Asturiana. Quankam, malgre ke l'uzado di oral Asturiano esez difuzita en l'alta Mezepoko ed esez preske unanima, la Latina sequos esanta linguo di kulturo, di legala dokumenti dum multa tempo. Unu dil dokumenti ke plu bone reflektas l'evoluo depos la Latina esas la Cayuela de Carrio, dil 13ma yarcento, trovita en Villayón e qua kolektas sorco kontro *nuberi en populara linguo bone diferencata di Klasika Latino. Ol esas la nasko dil Regno di Asturia ke pose esus la Regno di León unu dil precipua kauzi qua explikas ke en ica teritorio formesez diferanta linguo de la Latino di l'anciena Conventum Asturum. Ica Regno ne okupis nun Asturiana landi, ma anke di León, Galicia e parti di Portugal e Kastilia. Ultre isto, konquestis landi sude la rivo Duero, til Extremadura ed ocidental Andalucía. Pro ico, ankore preservesas kelka traiti di ica linguo en ta loki.

En la Regno di Asturia, la Latina, uzata en legala dokumenti, shoveskis da l'Asturiana, qua divenis legala linguo dil Regno ed uzeskis en multa legala dokumenti. L'unesma dokumento skribita en l'Asturiana (la Fueru d'Avilés) esas legal. Skribita en la 12ma yarcento, ol esas konstituco di ic Asturiana municipo. On devas atendar til la duesma duimo dil 13ma yarcento por ke skribar en l'Asturiana divenez normala ed funcionis kom vera linguo dil lando. De ica epoko konservesas multa texti, ma la maxim importanta esas a Fueru Xulgo, tradukuro a l'Asturiana dil anciena legala kodexo dil Visigota Regno.

Sieglos Escuros

La perdo di politikala nedependo di Regno di León pose uniono kun Kastilia ye 1230, kreis la bazi por progresiva retroiro dil linguo. Lo esas, unesme, pro ke en ica regno hegemonio esas por Kastilia. Konseque, la linguo la maxim uzata esas la Kastiliana, quo esos anke ta qua uzos en regala dokumentado. Ol esas lore, kun Alfonso 10ma la Saja (1254-1284) ube la Kastilia e la Galisiana havos plu grava literaturala uzado ke l'Asturiana.

Ma la maxim kritika momento esas en la 14ma yarcento kande l'Asturian Eklezio havis Kastiliana episkopo, Gutierre de Toledo, qua impozis interna reformi qui facis di la Kastiliana la propra linguo dil ekleziala dokumentado. Tale, l'Asturiana kleriki komencis studiar fore Asturia e León, en Kastilia, en la Kastiliana.

Ica fakti e la kreskanta centralista e intervencista politiko di Kastilia, promovas la procedo di dis-asturianigo en alta klasi dil socio e impidas la solidigo di l'Asturiana komo literaturala linguo. Ica centralista sistemo aparis kun la koncepto di Stato-Naciono, la neceso di linguistikala uniformigo kom faktoro di kohesiono di nova politikala strukturo.

L'Asturiana, dum tri yarcenti (14ma, 15ma, e 16ma), nomizita Sieglos Escuros (Obskura Yarcenti), esis absenta en skribita dokumenti, ne kom la Portugala e la Kastiliana, qua divenis lingui di kulturo. Tale, aparis situeso di diglosio, en qua l'Asturiana uzesis por orala komunikado da la maxim parto dil populado dum ke la Kastiliana uzesis da l'administrado, l'alta klerado e la funcionarii por havar sociala distingeso. Ica situeso esas karakteriziva di l'Asturiana til nur.

Asturiana literaturo ne existis dum Renesanco, e unu kauzo di manko di sucio pri linguistikal aferi esas forsan manko di universitato en la tri teritorii ube l'Asturiana parolesis: Asturia, León e Miranda.

Baroko

Idealigita protreto di Antón de Marirreguera (19ma yarcento).

Quankam pos finir la Mezepoko l'uzo dil Asturiana komencis dekadar, to ne signifikis lua fino. Exemple, dum la Moderna epoko skribesis literaturala texti en ol.

Antón de Marirreguera (1600-1662) esis l'unesma konocats skribisto en l'Asturiana e portis literaturo en ica linguo al Baroko. Komencis la kultivo di plura kulta temi: poetikala verki di religiala temo (Pleitu ente Uviéu y Mérida) o riprenis la Greko-Latina tradiciono Dido y Eneas o Píramo y Tisbe. Ultre to, aparis teatro en qua ne nur esas denonco ma anke konciencigo kun situeso dil linguo. Exemple, en teatrajo L'Alcalde, da nomizita Marirreguera, ridindigas perosno qua parolas en la Kastiliana por prezuntar esar di alta sociala posiciono.

L'Asturiana, en ta epoko, valoresas kom linguo propra dil populo da multa intelektozi di aristokrataro ed alta klero, e, ultre, komo signo di historiala identeso di l'ASturiana kom facas la historiisto de Cangas del Narcea Luis Alfonso de Carvallo.

Nek en León nek en Miranda aparis skriptisto dum ta yarcenti e la situeso di la linguo esis akulata en oraleso.

Racion-epoko

Jovellanos esis defensanto di l'Asturiana linguo, di lua difuzeso e dignifikeso; esis il qua propozis kreado di Akademio.

En la 18ma yarcento, la Racion-epoko arivis kun forco en Asturi e grupo di intelektulezi guidita da Gaspar Melchor de Jovellanos komencis la defenso dil linguo e valorigar ol. Aparas lore sucio pro la situeso dil linguo e neceso di dotar ol di instrumentos qui posibligez atingar futuro e ke helpez normaligar sociale. Por to Jovellanos propozis kreado di Akademio kun skopo di normizar e rekoliar la richeso dil linguo.

"Ye la llingua viva del nuesu pueblu; mamámosla toos, por dicilo asina, cola primer lleche; va pasando tradicionalmente de padres a fíos y continúase de xeneración en xeneración...Con un cartón y un llápiz a mano, en casa, na cai, en paséu, en campu, podemos arriquecer tolos díes esta preciosa ayalga".

En 1788 aparis etimologiala vortaro pri qua hodie nulo saveskas, e dum la 18ma yarcento aparis l'unesm Asturiana skriptistino, Xosefa Xovellanos, fratino dil filozofo. Tale, l'Asturiana, pluforteskis inter dominacanta strati dil socio ed kreis bazi di konoco dil situeso dil linguo e la skopi por atingar plena normaligo. Ol kultivas poezio e teatro serchas proximar al granda publiko.

19ma yarcento

En la 19ma yarcento, epoko dil regionalismo, duras Asturiana literaturala tradiciono kun publikigo en 1839 di Colección de poesías en dialecto asturiano da Xosé Caveda y Nava ke antologas omna kreatori antee es esas tale l'unesma libro en l'Asturiana. En ica yarcento, duras la sucii di *ilustrados pro situeso dil linguo e lua normigo e normaligo. Skribesas en 1869 l'unesma Gramática Asturiana, da Junquera Huergo, que ne publikigesus til 1991 da l'Academia de la Llingua Asturiana.

Asturiana linguo ganis importo en Asturia tra Racion-epoka idei, e Franciana princo Louis Lucin Bonaparte demandis l'episkopo Manuel Fernández de Castro (1834-1905), qua anke esis poeto e tradukisto, facar tradukuro aden l'Asturiana de l'Evangelio da Santa Mateus, publikigita en 1861 en London.

Dum ca epoko di migrado, la linguo duris parolesar dal ekmigrinti, qui produktis multa artikli en Asturiana ed ula verko kom Camín de la Romería. Konsolidis la prestijo dil linguo e la jurnalaro en Asturia komencis inkluzar artikli en Asturiana, remarkante Enriqueta Fernández Rubín en periodismo.

Tamen, negativeso aparis kun emplantaco di kelka idei qui ja aparis dum la 18ma yarcento, ma kreskis forte kun Humbolt e la Germana romantika movado. Por li, la lingui rilatis al spiritala tendenco ed al kustumi dil populo, e pro to simileso inter la genio dil populo e la literarturo qua skribesas en ica linguo (volkgeist). Ico chanjas Asturiana literaturo: populo di rurala vivo, di anciena kustumi e konservema e arkaiganta linguo; tale komencis en verki bukolikala temi, ube la rurala vivo esas poetikala objekto. Publikigeskas lore verki kun idealigata vivo dil ruralani, esante Xosé Caveda y Nava l'unesma expozanto di idealigo di rurala vivo, dum ke Xuan María Acebal esas en peizajala deskripto e idilioza viziono di rurala vivo, kun poezio dedicita al Virgino, altra miti di l'Asturiana poezio di l'epoko.

Nun Teodoro Cuesta, rekuperas festiveso ed erotismo komencita da Marrireguera e pro granda dominio ke havas di l'Asturiana, definas ica viziono en verki kom Munchu güeyu, Andalucía y Asturias y A María inmaculada.

Unesma triimo dil 20ma yarcento

Se til la 19ma yarcento Asturiana socio esis precipue rurala, dum la 20ma yarcento la regiono gradope industriizesis, e lua habitanti komencis migrar al urbi por laborar en la nova industri. Pro l'urbi esis precipua administrala centri e la loki ube lojis e dominacis la maxim kastilianigita sociala sektori, la linguo perdeskis parolanti. Note pro ke, simile a quo eventis en altra loki, quale Katalunia o Baskia, a nova sektoro dominacanta ne asumis kompromiso por defensar a autoktona linguo, e ridingidis ol kom signo di vilajismo, selektanta l'uzado dil kastiliana kom signo di sociala distingeso kontre populara klasi e kom necesajo por sociala acenso. Ultre ico, masiva skolarigo di populado, omnatempe en la Kastiliana e sen tolerar prezenteso di l'Asturiana ed anke la developado di komunikili, quale jurnalaro e radio minorigis la linguo.

En ca epoko di forta influo di Kastiliana linguo, en qua literaturo sequas voyi apertita en antea periodo. En poezio, ankore dominacanta, developis temi ed stila formi qua faktis topi (Pepín Quevedo, Perfecto Fernández Usatorre, José Manuel Farcía González (Marcos del Torniello), Francisco Fonzález Prieto ed altri. En teatro impozas kun forco nomizita Teatru Rexonal Asturianu y de la Naturaleza; teatro di kustumi, melodramatra, ne konvencionala, diglosikala, qua havis en Emilio Robles Muñiz (Pachín de Melás 1877-1938) lua precipua skriptisto, ed en la Compañía Asturiana (Asturiana Kompanio) lua unesma difuzilo.

Tamen, ne omna liteaturo esas di klaso e aparas literaturo pri naciono e regiono: tale trovesas Liga pro-Asturia, plu protektista kam altra kozo kun El Catecismu Rexonalista de 1918, la Fiesta de la Poesía Asturiana, ed Flora Ludi en 1923. Esas verki di ica tendenco Nel y Flor e La Fonte del Cai ultre porduktado dal Padre Galo, Fernán Coronas qua judikesas kom unesma nacionalista skribisto.

Nuna stando

La nuna legala stando dil Asturiana esas:

• Ol esas protektita, ma ne deklaresis oficala da la guvernerio di Asturia.
• Lego 1/1998, de la 23ma di marto, pri uzo e promoco di Asturiana, en olua artiklo 4, qua referas a l'uzado di la linguo, dicas, en l'apartado 2, ke "ol havas kam valida a omna efekti l'uzo di Asturiana en orala o skripta komuniki dil civitani di princolando di Asturia".
• En 2005 Asturiana guvernerio aprovis la plano di sociala normaligo di Asturiana 2005-1007 por stimular l'uzo e la promoco dil Asturiana e Galisiana-Asturiana.
• Francisco Álvarez-Cascos, en lua diskurso di investo en generala konvento di princolando di Asturia, ye 12ma di julio 2011 engajis a "fomentar la riguroza konocado di Asturiana", e la nova autonoma responsanto di kulturo e sporto di princolando, Emilio Marcos Vallaure, ye 18ma di julio 2011 afirmis ke, inter ilua granda skopi esas "la protektado di Asturiana linguo".
• nun existas plura asocii kam Xunta Pola Defensa de la Llingua Asturiana od Iniciativa pol Asturianu inter altri, e politikala partisi, kam Izquierda Xunida d'Asturies, Bloque por Asturies, UNA, PAS ed Asturiana seciono di PCPE, inter altri, qua apogas oficaleso di la linguo e facas kampanii por atingar lo.

Fonologio

Loki ube l'Asturiana parolesas.

Vokali

Vokala sistemo di Asturiana distingas kin fonemi, dividita en tri gradi di aperteso e tri situesi.

Vokali

	Fronta	Meza	Dopa
Klozita	i	-	u
Meza	e	-	o
Apertita	-	a	-

Konsonanti

Konsonanti

	labiali	dentali	alveolari	palatali	velari
Senvoca klusili	p	t		tʃ	k
Voca klusili	b	d		ʝ	g
Frikativi	f	θ	s	ʃ	-
Nazali	m	-	n	ɲ	-
Laterali	-	-	l	ʎ	-
Vibranti	-	-	r / ɾ	-	-

Noti:

/n/ pronuncas kam [ŋ] en koda-posiciono.

/g/ pronuncas kam voca frikativo mem en komenco di vorto.

Gramatiko

La gramatiko dil Asturiana simileskas l'altra Ibero-Latinida lingui. Singularo esas la neutro materia, qua esas transvivo dil neutra genero en l'Asturiana qua perdis exter l'Astur-Leonana (ecepte neutra artiklo lo en la Hispaniana).

Alfabeto

Gaspar Melchor de Jovellanos, Asturiana skriptisto, yuristo e politikisto dil Racion-epoko. Ol propozis la kreado di Akademio di l'Asturiana Linguo.

L'Asturiana uzas Latin alfabeto por reprezentar lua fonemi.

Alfabeto

Letro	Nomo	Fonemo
A, a	a	/a/
B, b	be	/b/
C, c	ce	/θ/, /k/
D, d	de	/d/
E, e	e	/e/
F, f	efe	/f/
G, g	gue	/g/
H, h	hache	-----
I, i	i	/i/
L, l	ele	/l/
M, m	eme	/m/
N, n	ene	/n/
Ñ, ñ	eñe	/ɲ/
O, o	o	/o/
P, p	pe	/p/
Q, q	cu	/k/
R, r	erre	/r/, /ɾ/
S, s	ese	/s/
T, t	te	/t/
U, u	u	/u/
V, v	uve	/b/
X, x	xe	/ʃ/
Y, y	ye, y griega	/ʝ/, /i/
Z, z	zeta, zeda, ceda	/θ/

Artiklo

L'artiklo havas ica formi:

	Maskula	Femina	Neutra
	el	la	lo
	los	les

Kontrakti

Vortaro di l'Asturiana linguo.

En l'Asturiana, l'artiklo povas kontraktigas kun kelka prepozicioni:

	el	la	lo	los	les
a	al
de	del
pa	pal
so	sol
con	col	cola	colo	colos	coles
en	nel	na	no	nos	nes
per	pel	pela	pelo	pelos	peles
por	pol	pola	polo	polos	poles

On povas anke trovar la kontrato inter la vorto tou (omna) e l'artiklo:

• tou el: tol
• toa la: tola
• too lo: tolo
• toos los: tolos
• toes las: tolas

Demonstrativi

	personi	maskula	femina	neutra
1ma	Singularo	esti	esta	esto
	Pluralo	estos	estes
2ma	Singularo	esi	esa	eso
	Pluralo	esos	eses
3ma	Singularo	aquel, aquelli	aquella	aquello
	Pluralo	aquellos	aquelles

Kontrakti kun EN

	personi	maskula	femina	neutra
1ma	Singularo	nesti	nesta	nesto
	Pluralo	nestos	nestes
2ma	Singularo	nesi	nesa	neso
	Pluralo	nesos	neses
3ma	Singularo	naquel, aquelli	naquella	naquello
	Pluralo	aquellos	aquelles

Posesivi

Bilingual afisho en la Hispaniana ed en l'Asturiana.

La posesivi en l'Asturiana esas ti:

Posedanto	Persono	Nombro	Maskula	Femina
Unu	1ma	Singularo	el mio	la mio
	1ma	Pluralo	los mios	les mios
	2ma	Singularo	el to	la to
	2ma	Pluralo	los tos	les tos
	3ma	Singularo	el so	la so
	3ma	Pluralo	los sos	les sos
Plura	1ma	Singularo	el nuesu - el nuestru	la nuesa - la nuestra
	1ma	Pluralo	los nuesos - los nuestros	les nueses - les nuestres
	2ma	Singularo	el vuesu - el vuestru	la vuesa - la vuestra
	2ma	Pluralo	los vuesos - los vuestros	les vueses - les vuestres
	3ma	Singularo	el so	la so
	3ma	Pluralo	los sos	les sos

La numeri

• 1-10: un ~ unu ~ una, dos, tres, cuatro, cinco, seis ~ seyes, siete, ocho, nueve, diez.
• 0 = cero, 100 = cien, 1.000 mil, 1.000.000 = un millón

La personala pronomi

Personala pronomi

	singulara							plurala
	1ma	2ma		3ma		1ma	2ma	3ma
		familiara	formal	mask.	fem.
Asturiana	yo	tu	él ~ elli	ella	ello	nós ~ m. nosotros, f. nosotres	vós ~ m. vosotros, f. vosotres	m. ellos, f. elles
Ido	me	tu	il(u)	el(u)	ol(u)	ni	vi	li

Verbo

La verbo en l'Asturiana havas tri konjugacioni:

1. Finita en -AR.
2. Finita en -ER.
3. Finita en-IR.

Exemplo di verbala konjugado -AR

Hike, on povas vidar la verbo falar ("parolar").

Modelo di Konjugado
Verbo falar (radiko: fal-)

		Simpla formo
Infinitivo		falar
Gerundio		falando
Participo		faláu falada falao falaos falaes
Modo	Tempo	Yo	Tu	Él/Ella/Ello	Nós	Vós	Ellos/es
Indikativo	Prezento	falo	fales	fala	falamos	faláis	falen
	imperfekta	falaba	falabes	falaba	falábamos ~ falábemos	falabais ~ falabeis	falaben
	Preterito	falé	falasti ~ falesti	faló	falemos	falastis ~ falestis	falaron
	Plusquamperfekta preterito	falara ~ falare	falaras ~ falares	falara ~ falare	faláramos ~ faláremos	falarais ~ falareis	falaran ~ falaren
	Futuro	falaré	falarás	falalá	falaremos	falaréis	falarán
	Kondicionalo	falaría	falaríes	falaría	falaríamos ~ falaríemos	falaríais ~ falaríeis	falaríen
Subjuntivo	Prezento	fale	fales ~ falas	fale	falemos	faléis	falen ~ falan
	imperfekta	falara ~ falare	falaras ~ falares	falara ~ falare	faláramos ~ faláremos	falarais ~ falareis	falaran ~ falaren
Imperativo	Prezento	fala	falái

Exemplo di verbala konjugado -ER

Hike, on povas vidar la verbo llamber ("lekar").

Modelo di Konjugado
Verbo llamber (radiko: llamb-)

		Simpla formo
Infinitivo		llamber
Gerundio		llambiendo
Participo		llambíu llambida llambío llambíos llambíes
Modo	Tempo	Yo	Tu	Él/Ella/Ello	Nós	Vós	Ellos/es
Indikativo	Prezento	llambo	llambes	llambe	llambemos	llambéis	llamben
	imperfekta	llambía	llambíes	llambía	llambíamos ~ llambíemos	llambíais ~ llambíeis	llambíen
	Preterito	llambí	llambisti ~ llambiesti	llambió	llambimos ~ llambiemos	llambistis ~ llambiestis	llambieron
	Plusquamperfekta preterito	llambiera ~ llambiere	llambieras ~ llambieres	llambiera ~ llambiere	llambiéramos ~llambiéremos	llambierais ~ llambiereis	llambieran ~ llambieren
	Futuro	llamberé	llamberás	llamberá	llamberemos	llamberéis	llamberán
	Kondicionalo	llambería	llamberíes	llambería	llamberíamos ~ llamberíemos	llamberíais ~ llamberíeis	llamberíen
Subjuntivo	Prezento	llamba	llambas	llamba	llambamos	llambáis	llamban
	imperfekta	llambiera ~ llambiere	llambieras ~ llambieres	llambiera ~ llambiere	llambiéramos ~ llambiéremos	llambierais ~ llambiereis	llambieran ~ llambieren
Imperativo	Prezento	llambi	llambéi

Exemplo di verbala konjugado -IR

Hike, on povas vidar la verbo apurrir ("atingar").

Modelo di Konjugado
Verbo apurrir (radiko: apurr-)

		Simpla formo
Infinitivo		apurrir
Gerundio		apurriendo
Participo		apurríu apurrida apurrío apurríos apurríes
Modo	Tiempo	Yo	Tu	Él/Ella/Ello	Nós	Vós	Ellos/es
Indikativo	Prezento	apurro	apurres	apurre	apurrimos	apurrís	apurren
	imperfekta	apurría	apurríes	apurría	apurríamos ~ apurríemos	apurríais ~ apurríeis	apurríen
	Preterito	apurrí	apurristi ~ apurriesti	apurrió	apurrimos ~ apurriemos	apurristis ~ apurriestis	apurrieron
	Plusquamperfekta preterito	apurriera ~ apurriere	apurrieras ~ apurrieres	apurriera ~ apurriere	apurriéramos ~ apurriéremos	apurrierais ~ apurriereis	apurrieran ~ apurrieren
	Futuro	apurriré	apurrirás	apurrirá	apurriremos	apurriréis	apurrirán
	Kondicionalo	apurriría	apurriríes	apurriría	apurriríamos ~ apurriríemos	apurriríais ~ apurriríeis	apurriríen
Subjuntivo	Prezento	apurra	apurras	apurra	apurramos	apurráis	apurran
	imperfekta	apurriera ~ apurriere	apurrieras ~ apurrieres	apurriera ~ apurriere	apurriéramos ~ apurriéremos	apurrierais ~ apurriereis	apurrieran ~ apurrieren
Imperativo	Prezento	apurri	apurríi

Verbo SER (Esar)

Modelo di Konjugado
Verbo ser (radiko: s-)

		Forma Simple
Infinitivo		ser
Gerundio		siendo
Participo		sío
Modo	Tempo	Yo	Tu	Él/Ella/Ello	Nós	Vós	Ellos/es
Indikativo	Presente	soi ~ so	yes	ye	somos	sois	son
	imperfekta	yera	yeres	yeres	yéramos ~ yéremos	yerais ~ yereis	yeren
	Preterito	fui	fuisti ~ fuesti	foi	fuimos ~ fuemos	fuistis ~ fuestis	fueron
	Plusquamperfekta preterito	fuera ~ fuere	fueras ~ fueres	fuera ~ fuere	fuéramos ~ fuéremos	fuerais ~ fuereis	fueran ~ fueren
	Futuro	seré	serás	será	seremos	seréis	serán
	Kondicionalo	sería	seríes	sería	seríamos ~ seríemos	seríais ~ seríeis	seríen
Subjuntivo	Prezento	seya	seyas	seya	seyamos	seyáis	seyáis
	imperfekta	fuera ~ fuere	fueras ~ fueres	fuera ~ fuere	fuéramos ~ fuéremos	fuerais ~ fuereis	fueran ~ fueren
Imperativo	Prezento	sé	sei

Verbo TAR (Esar)

Modelo di Konjugado
Verbo tar (radiko: t-)

		Simpla formo
Infinitivo		tar
Gerundio		tando
Participo		tao
Modo	Tempo	Yo	Tu	Él/Ella/Ello	Nós	Vós	Ellos/es
Indikativo	Prezento	toi ~ to	tas	ta	tamos	tais	tán
	imperfekta	taba	tabes	taba	tábamos ~ tábemos	tabais ~ tabeis	taben
	Preterito	tuvi ~ tevi	tuvisti ~ tuviesti	tuvo ~ tevo	tuvimos ~ tuviemos	tuvistis ~ tuviestis	tuvieron
	Plusquamperfekta preterito	tuviera ~ tuviere	tuvieras ~ tuvieres	tuviera ~ tuviere	tuviéramos ~ tuviéremos	tuvierais ~ tuviereis	tuvieran ~ tuvieren
	Futuro	taré	tarás	tará	taremos	taréis	tarán
	Kondicionalo	taría	taríes	taría	taríamos ~ taríemos	taríais ~ taríeis	taríen
Subjuntivo	Prezento	tea	teas	tea	teamos	teáis	tean
	imperfekta	tuviera ~ tuviere	tuvieras ~ tuvieres	tuviera ~ tuviere	tuviéramos ~ tuviéremos	tuvierais ~ tuviereis	tuvieran ~ tuvieren
Imperativo	Prezento	ta	tai

Komparo di texti en plura varianti

1ma Artiklo di l'Universal Deklaro di Homal Yuri

	Lokado	Linguala bloko	Texto
Ido	Mondo	-	Omna homi naskas libera ed egala relate digneso e yuri. Li es dotita per raciono e koncienco e devas agar vers l'una l'altra en spirito di frateso.
Astur-Leonana dialekti
Dialekto di Carreño	Asturia	Central Astur-Leonana	Tolos seres humanos nacen llibres y iguales en dignidá y drechos y, pola mor de la razón y la conciencia de so, han comportase fraternalmente los unos colos otros.
Habla de Somiedo	Asturia	Ocidental Astur-Leonana	Tódolos seres humanos nacen ḷḷibres ya iguales en dignidá ya dreitos ya, dotaos cumo tán de razón ya conciencia, han portase fraternalmente los unos conos outros.
Paḷḷuezu	León	Ocidental Astur-Leonana	Tódolos seres humanos nacen ḷḷibres ya iguales en dignidá ya dreitos ya, dotaos cumo tán de razón ya conciencia, han portase fraternalmente los unos conos outros.
Cabreirés	León	Ocidental Astur-Leonana	Tódolos seres humanos ñacen llibres y iguales en dignidá y dreitos y, dotaos cumo están de razón y concéncia, han portase fraternalmente los unos pa coños outros.
Mirandés	Trás-os-Montes (Portugal)	Ocidental Astur-Leonana	Todos ls seres houmanos nácen lhibres i eiguales an denidade i an dreitos. Custuituídos de rezon i de cuncéncia, dében portar-se uns culs outros an sprito de armandade.
Transito-lingui
Extremadurana	Extremadura e Salamanca	Transito-lingui inter l'Astur-Leonana e la Hispaniana	Tolos hombris nacin libris i egualis en digniá i derechus i, comu gastan razon i concéncia, ebin comportal-se comu hermanus los unus conos otrus.
Kantabriana	Cantabria		Tolos seris humanos nacin libris y eguales en dignidá y drechos y, dotaos comu están de razón y conciencia, tién de comportase comu hermanos los unos conos otros.
Altra Latinida lingui
Portugalana	Portugal	Portugalana	Todos os seres humanos nascem livres e iguais em dignidade e em direitos. Dotados de razão e de consciência, devem agir uns para com os outros em espírito de fraternidade.
Galisiana	Galisia	Galisiana	Tódolos seres humáns nacen ceibes e iguais en dinidade e dereitos e, dotados como están de razón e concienza, dében de se comportar fraternalmente uns cos outros.
Kastiliana	Kastilia	Kastiliana	Todos los seres humanos nacen libres e iguales en dignidad y derechos y, dotados como están de razón y conciencia, deben comportarse fraternalmente los unos con los otros.

Literaturo

Idealigata portreto di Antón de Marirreguera.

Asturiana havas lua origino en Latinida linguo parolata en la mez-epoka rejii di Asturia e Leon. De ica Latinida linguo, proto-Asturiana, konservesas manuskripto judikata kom la maxim anciena e konocata kom Nodicia de Keso, datizita de 959, dum la maxim anciena normativa dokumento verkita en Asturiana esas Fuero de Avilés, de 1085.

Asturiana esas prizenta en publika skribi, donacaji, ec. dil 13ma e 14ma yarcenti. Quankam la nobeleso rejektis la linguo, judikata kom karakterizivo di "poka nobeleso", ol ne desaparis, nam duris parolesar da populara klasi.

Literaturala tradiciono, til 20ma yarcento, esas skarsa: ecepte Antón de Marirreguera, Josefa Jovellanos e Antonio Balvidares (16ma yarcento), Juan María Acebal, Xosé Caveda y Nava, Teodoro Cuesta, Pin de Pría o Fernán Coronas (19ma ed unesma mezo dil 20ma yarcento).

Ol esas ek la demokratigo di Hispania kande eventas Surdimientu dil Asturiana literaturo, kun autori kam Berta Piñán, Esther Prieto, Lourdes Álvarez, Ismael González Arias, Xuan Bello, Antón García, Miguel Rojo, Carlos Rubiera, Milio Rodríguez Cueto, Pablo Antón Marín Estrada, Xuan Santori o Martín López-Vega. Omna autori kun universala idei, qua renuncis lokalista modeli e donacas a l'Asturiana literaturala dimensiono. En ica procedo havas graveso la tradukuri di exterlandala literaturo: Albert Camus, Tennessee Williams, Herman Melville, Franz Kafka, T.S. Eliot, Eugénio de Andrade, etc.

La maxim importanta romani de ta periodo dil Surdimientu esas: La hestoria universal de Paniceiros, da Xuan Bello; En busca de Xovellanos, da Ismael González Arias; Imago, da Adolfo Camilo Díaz; La ciudá encarnada, da Pablo Antón Marín Estrada; e La banda sonora del paraísu, da Xandru Fernández.

L'Akademio pri l'Asturiana linguo (Academia de la Llingua Asturiana, A.Ll.A), fondesis en 1981, kun skopo rekuperar l'anciena institucuro pensita dum la 18ma yarcento.

Eduko-sistemo

La Llei d'Usu y Promoción del Asturianu determinas ke l'infanti evante de 6 til 16 yari darfas pri studiar l'Asturiana en skolo segun voluntala elekto, quankam ne judikesas kom en omna centri. Ol esas optativa kun la Franciana e la Germana kom duesma linguo en la bachelereso.

Universitato

Segun l'Universitato di Oviedo, Asturiana linguo povas uzesar ibe, ma fakte ol havas mikra aktiveso e nun uzesas en temi pri la filologiala studiado dil Asturiana (linguistikala, socio-linguistikala, edukala, e.c.). Kun la Bologna-proceso, on povas studiar Asturiana Filologio en sama maniero ke on studias Hispaniana Filologio, e la profesori di skolo povas specaligar en Asturiana linguo. Tamen, ta posibleso nun existas en l'Universitato di Oviedo.

Bibliografio

• Llera Ramo, F. (1994) Los Asturianos y la Lengua Asturiana: Estudio Sociolingüístico para Asturias-1991. Oviedo: Consejería de Educación y Cultura del Principado de Asturias ISBN 84-7847-297-5.
• Ramos Corrada, M. (2002) Historia de la lliteratura asturiana. Hispania: Academia de la Llingua Asturiana.
• Wurm, Stephen A. (ed) (2001) Atlas of the World's Languages in Danger of Disappearing. Unesco ISBN 92-3-103798-6.

Extera ligili

• Academia de la Llingua Asturiana – Oficala Akademio Asturiana
• La gramatiko dil Asturiana linguo