Jump to content

Ֆրեդերիկ Էդվին Չըրչ

Վիքիպեդիայից՝ ազատ հանրագիտարանից
Ֆրեդերիկ Էդվին Չըրչ
անգլ.՝ Frederic Edwin Church[1]
Ծնվել էմայիսի 4, 1826(1826-05-04)[2][3][4][…]
ԾննդավայրՀարթֆորդ[5][6][1]
Վախճանվել էապրիլի 7, 1900(1900-04-07)[2][3][4][…] (73 տարեկան)
Մահվան վայրՆյու Յորք, Նյու Յորք, ԱՄՆ[5]
Քաղաքացիություն ԱՄՆ
Մասնագիտություննկարիչ, բնանկարիչ, արվեստի կոլեկցիոներ և ճանապարհորդ
ՈճՀուդզոն գետի դպրոց[7][1]
Ժանրբնանկար[8][1] և luminism?
Թեմաներբնանկար[9] և Կերպարվեստ[9]
Ուշագրավ աշխատանքներHillside?, Storm Over Hudson Valley?, Cathedral, Chillo, Ecuador?, Mountain Stream, Yemen Valley, Palestine?, Catskill Sunset?, Wild Sugar Cane, Jamaica?, Painting. Study. In the Woods Maine.? և Այսբերգներ
ՈւսուցիչԹոմաս Քոուլ[1] և Alexander Hamilton Emmons?[1]
ԱշակերտներJervis McEntee?[1] և Howard Russell Butler?[1]
Ներշնչվել էԱլեքսանդր Հումբոլդտ
ԱնդամակցությունԱրվեստների և գիտությունների ամերիկյան ակադեմիա[10]
ՀայրJoseph Church?[11]
ՄայրEliza Janes?[11]
ԶավակներLouis P. Church?[12]
ստորագրություն
Изображение автографа
 Frederic Edwin Church Վիքիպահեստում

Ֆրեդերիկ Էդվին Չըրչ (անգլ.՝ Frederic Edwin Church, մայիսի 4, 1826(1826-05-04)[2][3][4][…], Հարթֆորդ[5][6][1] - ապրիլի 7, 1900(1900-04-07)[2][3][4][…], Նյու Յորք, Նյու Յորք, ԱՄՆ[5][13]), ամերիկացի բնանկարիչ, ռոմանտիկ, Հուդզոն գետի դպրոցի ականավոր ներկայացուցիչ։

Կենսագրություն

[խմբագրել | խմբագրել կոդը]

Ծնվել է Հարթֆորդում, հարուստ ընտանիքում։ 18 տարեկանում սկսել է սովորել Քեթսքիլում (Նյու Յորք) ժամանակի առաջատար նկարիչներից մեկի` Թոմաս Քոուլի մոտ։ Արդեն 1848 թվականի մայիսին Չըրչին առաջարկել են անհատական ցուցահանդես կազմակերպել Դիզայնի ազգային ակադեմիայում, ինչից հետո նա վաճառել է իր կտավներից մեկը Հարթֆորդում` ԱՄՆ-ի հասարակական ամենահին գեղարվեստական թանգարանում` Ուոդսուորթ Ատենեումում։ Նույն թվականին Չըրչն արվեստանոց է բացել Նյու Յորքում` առաջին անգամ աշակերտ վերցնելով։ Չըրչը շատ է աշխատել բնության մեջ` գարնանից աշուն էտյուդներ նկարելով և ձմռանը դրանք վաճառելով։ 1853 թվականին, այնուհետև նաև 1857-ին նա ճանապարհորդել է Հարավային Ամերիկայում (Էկվադոր)` ստեղծելով լեռնային բնանկարների շարքեր, որոնք հատկանշական են ամերիկյան ռոմանտիզմին[14]։ Նկարներից մեկը, որ ստեղծվել է ճամփորդության նյութերի հիման վրա, «Անդերի սիրտն» է (1859, ներկայումս գտնվում է Նյու Յորքի Մետրոպոլիտեն թանգարանում), որ վաճառվել է 10.000 դոլարով, ինչը ժամանակին ամերիկացի նկարչին երբևէ վճարած ամենամեծ գումարն էր։

1854-1856 թվականներին Ֆրեդերիկ Չըրչը ճանապարհորդել է Կանադայում և Նոր Անգլիայում։ Մասնավորապես, նա Քոուլի հետ եղել է առաջին քաղաքացիներից, ով ամառն այցելել է Մեն նահանգի Մաունթ Դեզերթ կղզի (այժմ` Ակադիա ազգային պարկ)։ Այս տարիներին նա տեսել է Նիագարայի ջրվեժը և նկարել «Նիագարա» կտավը (1857)։

Որպես կանոն, Չըրչը իր աշխատանքները ներկայացրել է այլ բնանկարիչների գործերի հետ։ Նրանցից են Թոմաս Քոուլը, Էշեր Բրաուն Դյուրանդը, Ջոն Ֆրեդերիկ Քենսեթը և Ջեսպեր Ֆրենիս Կրոպսին։ Այս միավորումը ստացել է «Հուդզոն գետի դպրոց» անվանումը։

1860 թվականին Ֆրեդերիկ Չըրչն ամուսնացել է Իզաբել Կարնսի հետ` ֆերմա գնելով Նյու Յորք նահանգում` Հուդզոն գետի ափին։ Նրանց առաջին երկու երեխաները 5 և 6 տարեկան հասակում մահացել են դիֆթերիայից, սակայն նրանք ունեցել են ևս 4 զավակ։ 1867 թվականին Չըրչն այցելել է Եվրոպա, Հյուսիսային Աֆրիկա և Մերձավոր Արևելք։ 1870 թվականին Օլանի իր ագարակում նա կառուցել է դղյակ` էկլեկտիկ ոճով։ Ամրոցի կառուցման համար նա վարձել է ճարտարապետի, սակայն ինքը ևս ակտիվ մասնակցել է դղյակի նախագծմանը։ Ներկայումս այն ընդգրկված է նահանգի պատմական հուշարձանների ցանկում (անգլ.՝ State Historic Site) և բաց է այցելությունների համար։

Իր կյանքի վերջին 30 տարիներին Չըրչը չի կարողացել նկարներ ստեղծել ռևմատիզմի պատճառով։ Նրա այդ շրջանի ժառանգությունը հիմնականում էտյուդներ են, որոնք նա ստեղծել է իր երկու կալվածքներում` Օլանում և Միլինոկետ լճի շրջակայքում, ինչպես նաև Մեքսիկայում, ուր նա անցկացրել է 1882 թվականի ձմեռը։

Աշխատանքներ

[խմբագրել | խմբագրել կոդը]

Ֆրեդերիկ Չըրչի գրեթե բոլոր աշխատանքները մոնումենտալ չափերի բնանկարներ են` հաճախ զարդարված դրամատիկ կարմիր երանգով։

Ծանոթագրություններ

[խմբագրել | խմբագրել կոդը]
  1. ↑ 1,00 1,01 1,02 1,03 1,04 1,05 1,06 1,07 1,08 1,09 Union List of Artist Names
  2. ↑ 2,0 2,1 2,2 2,3 2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  3. ↑ 3,0 3,1 3,2 3,3 3,4 Frederick Edwin (1826-1900) Church (նիդերլ.)
  4. ↑ 4,0 4,1 4,2 4,3 4,4 Frederic Edwin Church — OUP, 2006. — ISBN 978-0-19-977378-7
  5. ↑ 5,0 5,1 5,2 5,3 5,4 5,5 RKDartists (նիդերլ.)
  6. ↑ 6,0 6,1 6,2 Library of Congress Library of Congress Name Authority File
  7. ↑ http://www.getty.edu/vow/ULANFullDisplay?find=frederic edwin church&role=&nation=&prev_page=1&subjectid=500115265
  8. ↑ https://rkd.nl/en/explore/artists/record?query=frederic edwin church&start=1
  9. ↑ 9,0 9,1 Չեխիայի ազգային գրադարանի կատալոգ
  10. ↑ Members of the American Academy of Arts & Sciences: 1780–2017 — P. 107.
  11. ↑ 11,0 11,1 Pas L. v. Genealogics — 2003.
  12. ↑ http://cprhw.tt/p/2Aw7V/
  13. ↑ Британская Энциклопедия
  14. ↑ Andrew Wilton and Tim Barringer, American Sublime: Landscape Painting in the United States 1820—1880, Princeton University Press (2003), ISBN 0691115567.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ֆրեդերիկ Էդվին Չըրչ» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ֆրեդերիկ_Էդվին_Չըրչ&oldid=9495092» էջից