Lola Flores

Lola Flores
	;
Biografía
Nacemento	(es) María Dolores Flores y Ruiz ; 21 de xaneiro de 1923 ; Xerez da Fronteira, España
Morte	16 de maio de 1995 (72 anos); Alcobendas, España
Causa da morte	cancro de mama
Lugar de sepultura	Cemiterio de La Almudena
Outros nomes	Lola Flores ; La Faraona
Residencia	Xerez da Fronteira ; Madrid
Grupo étnico	Pobo español
Actividade
Campo de traballo	Copla
Ocupación	cantante, actriz de cinema, actriz, bailaor, actriz de televisión
Período de actividade	1939 - 1995
Membro de	Xerez CD
Xénero artístico	Copla andaluza, Flamenco e Ranchera
Instrumento	Voz
Selo discográfico	EMI ; RCA Victor ; Seeco (pt) ; Belter (pt) ; Sony Music Entertainment
Familia
Cónxuxe	El Pescaílla (1957–1995)
Fillos	Lolita Flores, Antonio Flores, Rosario Flores
Irmáns	Carmen Flores
Premios
	(2023) filla predilecta de Andalucía; (1994) Medalla de Ouro ó Merito no Traballo; fillo predilecto da provincia de Cádiz ;

María Dolores Flores Ruiz, máis coñecida polo nome artístico de Lola Flores, nada en Xerez da Fronteira o 21 de xaneiro de 1923 e finada en Alcobendas (Madrid) o 16 de maio de 1995, foi unha cantante de copla, bailaora e actriz española, artisticamente alcumada "La Faraona".

Estivo casada co guitarrista Antonio González "El Pescaílla" (1926-1999), co que tivo tres fillos, os cantantes Lolita Flores (Dolores González Flores) (1958), Antonio Flores (Antonio González Flores) (1961-1995) e Rosario Flores (Rosario González Flores) (1964). Foi irmá da tamén cantante Carmen Flores (1936), tía do exfutbolista e adestrador Quique Sánchez Flores (1965) e avoa das actrices Elena Furiase (filla de Lolita) e Alba Flores (filla de Antonio).

Carreira profesional

Lola Flores foi á escola en Sevilla, onde viviu de 1923 en 1933. Formouse artisticamente cos xitanos do seu clan, por exemplo, aos dous anos xa bailara en tablaos con Antonio Chaquetas. Aos dezaseis anos, cando ela e a súa familia volveron a Xerez, xa empezou a cantar e bailar profesionalmente. En 1940 foi a vivir a Madrid e gravou o seu primeiro disco, Lerele. Desde 1941 bailou facendo parella co cantante Manolo Caracol, con quen traballou ata o 1951. En 1957 casou cun guitarrista da súa compañía, o barcelonés Antonio González, El Pescaílla. Actuou en numerosos espectáculos e fixo de actriz nunha trintena de películas, entre elas La Faraona, en 1953, unha das máis soadas, rodada en América.

Producida por Cesáreo González, os anos cincuenta converteuse na estrela con maior caché do Estado Español, cobrando un millón de pesetas por película. Nos sesenta era a miúdo contratada, entre outros, polo goberno, que entón monopolizaba a televisión e controlaba a radio, tanto para programas destes medios como, por exemplo, cada 18 de xullo (inicio da Guerra civil española) para cantar no palacio de La Granja para Francisco Franco. Ao morrer o ditador, a canción e a danza española deixaron de estar de moda, así que a partir de entón dedicouse sobre todo a colaborar en programas de televisión (Sabor a Lola e Ay Lola, Lolita, Lola) e facer películas, por exemplo Sevillanas, de Carlos Saura, en 1992.

Morreu na súa residencia do Lerele o 16 de maio de 1995 aos 72 anos por mor dun cancro de mama que lle foi diagnosticado en 1972.

Filmografía

Martingala (1939)
Un alto en el camino (1941)
Misterio en la marisma (1943)
Una herencia en París (1943)
Embrujo (1947)
Jack el negro (1950)
La niña de la venta (1951)
La Estrella de Sierra Morena (1952)
Reportaje (1953)
Pena, penita, pena (1953)
Morena clara (1954)
La danza de los deseos (1954)
La hermana Alegría (1955)
Lola torbellino (1956)
Limosna de amores (1955)
La Faraona (1956)
Sueños de oro (1957)
Maricruz (1957)
Échame la culpa (1958)

María de la O (1959)
Venta de Vargas (1959)
Las de Caín (1959)
El balcón de la Luna (1962)
De color moreno (1963)
La gitana y el charro (1963)
Sinfonía esppañola (1964)
Una señora estupenda (1967)
Aventura en Hong Kong (1967)
El taxi de los conflictos (1969)
Canciones para después de una guerra (1971)
Casa Flora (1973)
Canciones de nuestra (1975)
El asesino no está solo (1975)
Juana la loca... de vez en cuando (1983)
Truhanes (1983)
Los invitados (1986)
Sevillanas (1992)
Coraje de vivir (1993)

Premios e honores

1962: Lazo de Dama de Isabel a Católica
1967: Medalla de Ouro do Círculo de Bellas Artes de Madrid
1994: Medalla de Ouro ao mérito do traballo
1995: Filla predilecta de Xerez da Fronteira (póstumo)
1995: Medalla de Ouro de Xerez da Fronteira (póstumo)

Véxase tamén

Ligazóns externas

Biografía de Lola Flores (en castelán)
Biografía de Lola Flores (en castelán)
Páxina web de Lola Flores (en castelán)