Werder Bremen

Werder Bremen

Ezizena(k)	Die Werderaner (ibaiko irlakoak)
Sorrera	1899
Futbol zelaia	Weserstadion edukiera: 42.500 lagun inaugurazioa: 1924
Presidentea	Marco Bode
Entrenatzailea	Ole Werner
Liga	Bundesliga
2023-24	9.a
Webgunea	Webgune ofiziala
Etxekoa 　 Kanpokoa

Zaleak Bremengo udaletxearen aurrean 2009ko Alemaniako Kopako garaipena ospatzen.

Denboraldi aurreko Audi-Quattro Kopako partida, 2015ean.

SV Werder Bremen (izen osoa Sportverein Werder Bremen von 1899 e. V.) Alemaniako futbol talde oso ezaguna da, Bremen hirikoa. Emaitza onak izan ditu, lau liga eta sei kopa irabazteaz gain 1992an Europako Errekopa ere irabazi baitzuen.

Historia

1899ko otsailaren 4ean kirol jantziak sari gisa irabazi zituzten hamasei ikaslek sortu zuten Fußballverein Werder taldea. Werder aintzinako alemanierazko hitza da, zeinak "ibaiko penintsula" esan nahi duen, hor baitzegoen ikasleek futbolean jokatzen zuten zelaia. 1920an beste kirol batzuetan ere parte hartzen hasi zen eta izena aldatu zuen, Sportverein Werder Bremen, gaur egun daukana hain zuzen ere. Futbola zen beren aurreneko kirola eta Alemania osoan lehen entrenatzaile profesionala hartu zuten 1922an. Ez zuen emaitza handirik izan hala ere.

30. hamarkadan sarritan irabazi zuen eskualdeko txapelketa, ez ordea Alemaniakoa. Bigarren Mundu Gerraren ondoren aldaketa handiak ezagutu zituen. Bundesliga sortu aurreko urteetan Alemaniako iparraldeko bi talde indartsuenetako bat zen, bestea Hamburger SV izanik.

Bundesliga 1964ean jokatzen hasi zen eta Werder Bremen izan zen bigarren ekitaldiko txapelduna. 1967-68 denboraldian bigarren egin ondoren taldearen emaitzak kaxkartu egin ziren, 1981ean bigarren mailara jeitsi zen arte. Urte bete ondoren berriz Bundesligara itzuli eta garai onenari hasiera eman zioten 1983, 1985 eta 1986an bigarren eta 1988an berriz ere txapeldun gelditu zirelarik. 90. hamarkada oraindik eta bikainagoa izan zen, liga bat (1993), hiru kopa (1991, 1994, 1999) eta 1992ko Europako Errekopa irabaziz.

2004ean liga eta kopa irabazi zituen Alemanian. 2009an Alemaniako Kopa irabazi eta UEFA Europa Leagueko finala jokatu zuen Ukrainako FC Shakhtar Donetsk taldearekin 2-1 galdu zuelarik.

2021. urtean maila galdu zuen.

Uniformea

Kolore berdea eta zuria konbinatzen ditu Werder Bremen taldeak bere ekipamenduan.

2018-2019

2019-2020

2020-2021

2021-2022

2022-2023

Palmaresa

Alemanian: 15

• Bundesliga (4): 1965, 1988, 1993 eta 2004
• Alemaniako Kopa (6): 1961, 1991, 1994, 1999, 2004 eta 2009
• Alemaniako ligako kopa (1): 2006
• Alemaniako Superkopa (4): 1988, 1993, 1994 eta 2009

Nazio artean: 2

Europako Errekopa

• Txapelduna (1): 1992

UEFA Europa League

• Txapelduna (0)
• Finalista (1): 2009

UEFA Intertoto Kopa

• Txapelduna (1): 1998

Euskal taldeen aurkako partidak

Werder Bremenek kanporaketa bakarra jokatu du euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
2009-10	UEFA Europa League	Liga fasea	Werder Bremen Athletic	3-1 0-3	Athletic Werder Bremen

Aurtengo denboraldiko jokalariak

Atezainak: 1 Tim Wiese, 33 Christian Vande, 40 Nico-Stéphàno Pellatz

Atzelariak: 2 Sebastian Boenisch, 3 Petri Pasanen, 4 Naldo, 5 Pierre Womé, 8 Clemens Fritz, 13 Duško Tošić, 15 Patrick Owomoyela, 29 Per Mertesacker

Erdilariak: 6 Frank Baumann, 7 Jurica Vranješ, 10 Diego, 11 Mesut Özil, 20 Daniel Jensen, 22 Torsten Frings, 24 Tim Borowski, 25 Peter Niemeyer, 31 Kevin Artmann, 36 Max Kruse, 38 Amaury Bischoff

Aurrelariak: 9 Markus Rosenberg, 14 Aaron Hunt, 17 Ivan Klasnić, 18 Boubacar Sanogo, 23 Hugo Almeida, 28 Kevin Schindler, 34 Martin Harnik

Jokalari historiko ezagunak

• Rudi Völler
• Miroslav Klose

Kanpo estekak

• (Alemanez) webgunea

• Datuak: Q51976
• Multimedia: Werder Bremen / Q51976