Tottenham Hotspur Football Club

Tottenham Hotspur Football Club
Datuak
Izen ofiziala	Tottenham Hotspur Football Club
Mota	futbol-kluba
Herrialdea	Erresuma Batua
Izengoitia	The Lilywhites eta The Spurs
Liga	Premier League
Estadioa	Tottenham Hotspur Stadium: Tottenham; 51°36′16″N 0°03′59″W / 51.6044°N 0.0664°W (2019–); 62.062
Agintea
Lehendakaria	Daniel Levy (mul)
Entrenatzailea	Ange Postecoglou
Egoitza nagusi	Haringey;
Jabea	ENIC Group (en)
Zeren jabe	Northumberland Development Project (en) , Tottenham Hotspur Stadium eta White Hart Lane
Historia
Sorrera	1882ko irailaren 5a
Jasotako sariak	BBC Sports Personality Team of the Year Award (1961)

	Etxekoa

	Kanpokoa
	webgune ofiziala;

Tottenham Hotspur Football Club Londresko futbol taldea da, Ingalaterrako hoberenetariko bat historikoki. Taldea 1882an sortu zen. Beti Premier Leaguean (Ingalaterrako ligako lehen mailan) parte hartu izan du, 92-93ko denboraldian izan ezik, bigarren mailara jaitsi zelako. Herrialdearen Lehen Mailako 2 Liga irabazi ditu 1951n eta 1961ean, bai eta 8 Kopa ere.

Talde honek 2017 arte, White Hart Lane futbol zelaian jokatu zuen, zelaia eraistea erabaki zuten arte. Harrezkeroztik Wembley futbol zelaian, 90.000 ikuslerentzako tokia duen zelaian. Gaur egun eta 2019. urtetik Tottenham Hotspur Stadium estadioan jokatzen du.

Europako txapelketa bat irabazi zuen Ingalaterrako lehen taldea izan zen 1963an, Errekopa hain zuzen ere (Atletico de Madriden aurka). UEFA Kopa bi ere eskuratu ditu, 1984an Anderlechten aurka eta 1972an Feyenoorden aurka. 2019an Txapeldunen Ligako finala jokatu zuen baina Liverpool-ek 2-0 emaitzaz garaitu zuen.

Historia

Taldearen sorrera

Taldea 1882an sortu zen Londresko Tottenham auzoan, Hotspur Footall Club izenarekin, unibertsitate bateko ikasleen eskutik. Ikasle haiek unibertsitate bereko cricket taldeko partaide ziren.

Hasiera

Cricketeko jokalariek taldea sortu zutenean hasi zen dena. Partiduak Tottenhameko paduretan jokatzen zituzten.

1885ean, beraien lehen partidu ofiziala jokatu zuten. 1887-an Arsenalen kontrako lehen partidua jokatu zuten(beraien iparraldeko aurkaririk nagusiena).1888an “Nortumberland Park”-era aldatu ziren, partiduak baldintza hobea jokatu ahal izateko.

1895eko abenduaren 16a oso data garrantzitsua izan zen taldearentzat, Tottenham taldea, talde profesional bihurtu baitzen.

Euskal Selekzioarekin partida

Zortzi urtetan partidarik jokatu gabe egon ondoren Euskal Selekzioak 1988an partida berria jokatu zuen San Mamesen Bai Eukarari kanpainaren barnean. Aurkaria Tottenham Hotspurs izan zen, garai modernoan futbol elkarte baten aurka jokatu duen aldi bakarra izanik, eta 4-0 irabazi zuten euskaldunek.

2. Mailara jaitsiera

Terry Neilek hartu zuen taldearen ardura 1992an, baina denboraldi bakarra izan zen taldearen entrenatzaile, taldea bigarren mailara jaitsi zelako denboraldi hartan (historiako lehen eta aldi bakarra). Keith Burkinshaw izan zen Terry-ren ordezkoa.

XXI mendea

Liga gehiagorik irabazi ez badu ere Kopa ugari eskuratu ditu, azkenak 1991eko Kopa eta 1999 eta 2008ko Ligako Kopak. Azken denboraldietan Europara sartu izan da noizbehinka, beti ere UEFA Kopan. 2014-15 denboraldian bosgarren egin du ligan eta Ligako Kopako finala jokatu du, baina Chelseak 2-0 gainditu zuen. 2015-16an Ligan hirugarren postua lortu zuen eta 2016-17 denboraldian bigarrena izan zen. 2018-19 denboraldia bikaina egin zuen, ligan laugarrena izan zen eta Txapeldunen Ligako finalera iritsi zen, baina Liverpool-ek 2-0 emaitzaz garaitu zuen.

Sinboloak

Historia eta armarria

1921ean klubak armarri bat sortu zuen taldea errepresentatzeko eta urte bereko FA Cup-eko finaleko kamisetan sinbolo bat eraman zezaten. Oilar bat izan zen aukeratutako ikurra. Ordundik eraman du Totenham-ek oilar baten sinbolo, 1966,urtea, urte hartan oilarrari baloi bat gehitu zitzaion azpian, baina oilarra izan dute ikur nagusi.

Uniformea

Tottenham-ek beti jantzi bera eraman du lehen ekipazio bezala, kamiseta txuria, galtza urdinak eta galtzerdi txuriak. Baina bigarrena beti aldatzen joan da.

Historikoa^[1]





1883-1884





1884-1886





1890-1896





1896-1898





1898-tik

Azken urteak





2017-2018





2018-2019





2019-2020





2020-2021





2021-2022





2022-2023

2024/2025 Taldea

2024ko uztailaren 13an eguneratua.

Zbk.	Postua	Jokalaria
4	ERD	Oliver Skipp
5	ERD	Pierre-Emile Höjbjerg
6	ATZ	Radu Drăgușin
7	AUR	Son Heung-min
8	ERD	Yves Bissouma
9	AUR	Richarlison
10	ERD	James Maddison
11	AUR	Bryan Gil
12	ATZ	Emerson Royal
13	ATE	Guglielmo Vicario
14	ERD	Archie Gray
16	AUR	Timo Werner (Leipzigetik utzita)
17	ATZ	Cristian Romero
18	ERD	Giovani Lo Celso
20	ATE	Fraser Forster
21	AUR	Dejan Kulusevski

Zbk.	Postua	Jokalaria
22	AUR	Brennan Johnson
23	ATZ	Pedro Porro
27	AUR	Manor Solomon
29	ERD	Pape Matar Sarr
30	ERD	Rodrigo Bentancur
33	ATZ	Ben Davies
37	ATZ	Micky Van de Ven
38	ATZ	Destiny Udogie
40	ATE	Brandon Austin
-	ATZ	Djed Spence
-	ERD	Lucas Bergvall
-	ATE	Alfie Whiteman
-	ATZ	Sergio Reguilón
-	AUR	Alejo Véliz
-	ATZ	Ashley Phillips

Irabazitako txapelketak

Ingalaterran: 20

Ingalaterrako Liga (2) :
- Lehen Maila (2): 1951, 1961.
- Premier League (0): bigarrena 2016-17 denboraldian.
Ingalaterrako Kopa (8) :
- 1901, 1921, 1961, 1962, 1967, 1981, 1982, 1991.
Ingalaterrako League Cup (4) :
- 1971, 1973, 1999, 2008.
Ingalaterrako Superkopa (7) :
- 1921, 1952, 1962, 1963, 1968, 1982, 1992.