Han (etnia)

Han
	; Han etnia (berdez) Txinan
Biztanleak guztira
	c. 1.300 milioi
Biztanleria nabarmena duten eskualdeak
	Txina: c. 1.260 milioi; Taiwan: 22.575.365; Thailandia: 9.392.792; Malaysia: 6.650.000; Ameriketako Estatu Batuak: 3.794.673; Indonesia: 2.832.510; Singapur: 2.547.300
Hizkuntza
	Txinera
Erlijioa
	Txinatar erlijio tradizionala
Zerikusia duten beste giza taldeak
	Txinatar herriak

Han etnia^[1] (txinera tradizionalez: 漢族; txinera sinplifikatuz: 汉族; pinyinez: hànzú) Txina eta munduko talde etniko garrantzitsuena da. Txinako biztanleriaren % 92 eta mundukoaren % 19 etnia honetakoa da.

Etnia

Han etnia Txinako berezko jendea da; haiek egin zuten txinatar kultura eta estatua, eta denboraren poderioz ondoko etniak erakarri zituzten; batzuk menperatu zituzten, beste batzuen menpean geratu ziren, aldiz (mantxu dinastian adibidez), baina azkenean ia denak irentsi zituzten.

Hori dela-eta, ez dira fisikoki berdinak (iparraldekoak eta hegoaldekoak konparatuta), baina bai kulturalki. Txinera hizkuntzaren dialektoak (hizkuntzak, hobeki) hizkuntza erromantzeak bezain ezberdinak dira, hala ere idazkera bat da.

Haien artean azpietniak daude, hakka etnia kasu.